Ndondomeko ya Sabata ya Disembala 24

SABATA YAKWAMBIRA PA DISEMBALA 24

Sumu 7 na Lurombo

□ Sambiro la Baibolo la Mpingo:

bt cipaturo 16 ndime 13-18 (Mamin. 30)

□ Sukulu ya Uteŵeti wa Ciuta:

Kuŵazga Baibolo: Zekariya 9-14 (Mamin. 10)

Na. 1: Zekariya 11:1-13 (Mamin. 4 panji kucepera apa)

Na. 2: Kasi ni Malurombo gha Ŵanthu Wuli Agho Ciuta Wakunweka Kughapulika?—rs-CN peji 339 ndime 3 mpaka peji 340 ndime 6 (Mamin. 5)

Na. 3: Mphawuli Apo Tingalondezga Ulongozgi wa pa Zintharika 15:1? (Mamin. 5)

□ Ungano wa Uteŵeti:

Sumu 75

Mamin. 30: Kasi Webusayiti Yithu Yingatovwira Wuli? Kudumbiskana mapeji 3-6. Para mukudumbiskana peji 4, paŵe ciyezgelero ca maminiti ghatatu cakulongora mbumba yikumalizga kusopa. Dada wakufumba ŵamumbumba yake kuti ŵasacizge ivyo ŵazakadumbiskane sabata yakulondezgapo. Ŵana ŵakusacizga kuti ŵazakadumbiskane ivyo vili pa cigaŵa ca “Ŵawukirano” pa Webusayiti yithu. Fumbani ŵategherezgi kuti ŵayowoyepo umo ŵakucitira na Webusayiti yithu ya jw.org, panji ivyo ŵakukhumba kucita na Webusayiti iyi para ŵakusambira paŵekha kweniso na mbumba yawo. Para mukudumbiskana peji 5, paŵe ciyezgelero ca maminiti ghatatu. Mu ciyezgelero ici, mupharazgi uyo wali na foni ya intaneti wakuzgora fumbo lakukhwaskana na vigomezgo vithu mwakugwiliskira nchito Webusayiti yithu. Para mukudumbiskana peji 6, paŵe ciyezgelero ca maminiti ghanayi. Mu ciyezgelero ici, mupharazgi wakuyowoya na munthu wakunweka uyo wakukhumba kuŵazga mabuku ghithu mu ciyowoyero cinyake. Mupharazgi wakujura intaneti pa foni yake panji pa kompyuta ya uyo wakumupharazgira. Wakumulongora peji limoza la thirakiti la Kasi Mungatemwa Kumanya Unenesko? panji buku la Baibolo Likusambizgaci mu ciyowoyero ca munthu uyo, na kudumbiskana nayo. Fumbani ŵategherezgi kuti ŵayowoyepo umo ŵakucitira na Webusayiti ya jw.org mu uteŵeti. Usange palije uyo wakumanya kugwiliskira nchito intaneti mu mpingo winu, mbwenu longosorani waka fundo zikuru izo zili mu viyezgelero vya mu nkhani iyi.

Sumu 101 na Lurombo