Ivyo Vingatovwira Kuti Tiŵe Ŵaluso mu Uteŵeti—Kulemba Ivyo Tadumbiskana na Munthu

“Nyengo zose, uŵenge maso pa wamwene na pa cisambizgo cako.” (1 Tim. 4:16) Lemba ili likulongora kuti tikwenera kufwilirapo kupharazga mwaluso, kwali tamba sono panji tikamba kale. Mu Uteŵeti Withu wa Ufumu muŵenge nkhani yiphya iyo yitovwirenge umo tingacitira. Nkhani iyi yiŵenge na mutu wakuti “Ivyo Vingatovwira Kuti Tiŵe Ŵaluso mu Uteŵeti.” Nkhani yiliyose yilongosorenge masacizgo gha umo tingacitira. Tose tikuciskika kufwilirapo kulondezga masacizgo agha mwezi uliwose. Paumaliro wa mwezi, pa Ungano wa Uteŵeti tizamudumbiskana vyandulo ivyo tasanga cifukwa ca kulondezga masacizgo agha. Mwezi uno tikuciskika kuti tilembenge ivyo tadumbiskana na munthu.

Uwemi Wake: Kuti tifiske mulimo withu, tikwenera kucita vinandi padera pakupharazga. Tikwenera kuwelerako ku ŵakunweka kuti tikathilire mbuto izo tikapanda na kuŵasambizga. (Mat. 28:19, 20; 1 Kor. 3:6-9) Ici cikung’anamura kulutaso kwa munthu na kulutilizga ivyo tikadumbiskana pakwamba. Para tasanga munthu wakunweka, tikwenera kulemba ivyo tadumbiskana.