Ndondomeko za Upayiniya Wanyengozose

Munthu kuti wachite makora upayiniya wanyengozose, wakwenera kuŵa na ndondomeko yiwemi. Usange pa sabata mukupharazga maora 18, mbwenu mungafiska kuchita upayiniya wanyengozose ndipo mungaŵaso na nyengo yakupumulira! Kweniso nanga pangachitika vinthu vinyake vyamabuchi, nga kulwara, panji kundache makora, vingamutimbanizgani yayi. Pa tchati icho chili pasi apa pali masachizgo gha ivyo ŵapharazgi awo ŵakuchita waka maganyu, awo ŵakugwira ntchito zakulembeka, awo mbakunyotwanyotwa panji awo nkhongono ni zichoko, ŵangachita kuti ŵafiske kuchita upayiniya wanyengozose. Usange mungasintha vinthu vinyake, panji yumoza pa banja linu wangazakamba kuchita upayiniya mu Seputembala. Mungadumbiskana nkhani iyi pakusopa kwa mbumba.