Maliferensi gha Uteŵeti na Umoyo Wachikhristu—Kabuku ka Maungano

Febuluwale 6-12

Ivyo Tasambira

it-1 643 ¶4-5

Kupatana

Kupatana Mwakuyelezgera. Nyengo zinyake Malemba ghakuyowoya za nthengwa mwakuyelezgera waka. (Yes 54:1, 5, 6; 62:1-6) Mwakuyana waka ghakuyowoyaso mwakuyelezgera za kupatana panji kuwezga mwanakazi.—Yer 3:8.

Ufumu wa Yuda ukathereskeka ndipo Yerusalemu nayo wakaparanyika mu 607 B.C.E., ndipo ŵanthu ŵakatolekera ku wuzga ku Babuloni. Pambere ivi vindachitike, Yehova wakayowoyerathu za Ŵayuda awo ŵakatolekera ku wuzga kuti: “Kasi yili nkhu kalata yachipati ya anyoko, awo nili kuŵachimbizga?” (Yes 50:1) ‘Nyina,’ panji kuti mtundu wose wa Ŵayuda, ukaŵa ku wuzga chifukwa chakuti Yehova wakaswa phangano yayi, kweni chifukwa cha zakwananga zawo pakuti ŵakaswa Phangano la dango. Kweni Ŵaisrayeli awo ŵakakhalira ŵakapera na kupemphaso kuti Yehova walutilire kuŵa mfumu wawo. Pakukhumba kuvikilira zina lake, mu 537 B.C.E., Yehova wakafwatura Ŵayuda ku wuzga na kuŵawezgera ku charu chawo nga umo wakalayizgira. Ivi vikachitika pakati pajumpha vyaka 70.—Sal 137:1-9.