Tikukhozgeka na Sumu za Ufumu

Paulosi na Sila ŵakimbanga sumu zakulumba Chiuta apo ŵakaŵa mu jele. (Mil 16:25) Ŵakhristu ŵanyithu nawo ŵakimbanga sumu za Ufumu mu misasa yakuyuzgirako ŵanthu ku Germany na Siberia. Viyelezgero ivi vikulongora waka kuti sumu za Ufumu zikutikhozga chomene pa nyengo ya suzgo.

Sonosono apa buku liphya la sumu la mutu wakuti ‘Yimbirani Yehova Mwakukondwa’ lifumiskikengeso mu viyowoyero vinyake. Para mwazakapokera buku ili, muzakasambirenge sumu izi panyengo yakusopera ya mbumba na kuyezgayezga kuzisunga pamtima. (Efe 5:19). Mzimu utuŵa uzamutovwira kukumbuka sumu izi pa nyengo ya suzgo. Sumu za Ufumu zingatovwira kuŵika maghanoghano pa chigomezgo chithu. Zingatikhozga para tasangana na masuzgo. Para tili makora ‘tikwimba mwakukondwa’ ndipo tikujipulika makora mu mtima withu. (1Mi 15:16; Sa 33:1-3) Ipo ntchakwenelera kuti timbenge sumu za Ufumu nyengo zose!

WONELERANI VIDIYO YA MUTU WAKUTI SUMU IYO YIKAŴAKHOZGA CHOMENE. PAMASINDA ZGORANI MAFUMBO AGHA:

• Ntchivichi chikamupangiska Mubali Frost kuti walembe sumu?

• Kasi sumu iyi yikaŵakhozga wuli ŵabali ku msasa wakuyuzgirako ŵanthu?

• Mphanyengo wuli apo imwe sumu za Ufumu zikumukhozgani?

• Kasi imwe mungatemwa kusunga pamtima sumu za Ufumu zini?