Ntchindi na Nkharo Yiwemi Ni Vyakuzirwa Chomene

Para ŵawoli awo Mbakaboni ŵakulongora nkharo yiwemi, vingawovwira kuti ŵafumu ŵawo ŵazomere unenesko. Ndipouli nyengo zinyake ŵawoli ŵangakhumbikwira kuzizipizga kwa vyaka vinandi. (1Pe 2:21-23; 3:1, 2) Para ŵakumuchitirani nkhaza, lutilirani kutonda uheni na uwemi. (Ro 12:21) Nyengo zinyake nkharo yinu yiwemi yingawovwira mfumu winu kuti wasinthe.

Yezgani kuwona vinthu nga umo munyinu wakuviwonera. (Fil 2:3, 4) Longorani lusungu na chiwuravi ndipo chitani vyose ivyo mungafiska kuti mufiske udindo winu pakuŵa muwoli. Tegherezgani para munyinu wakuyowoya. (Yak 1:19) Zikirani, kweniso musimikizgirani munyinu kuti mukumutemwa. Nanga vingaŵa kuti mfumu winu wakumulongorani lusungu yayi kweniso kumuchindikani, manyani kuti Yehova wakuwonga chomene kugomezgeka kwinu.—1Pe 2:19, 20.

WONELERANI VIDIYO YA MUTU WAKUTI YEHOVA WAKUTIPA NKHONGONO KUTI TITONDE MASUZGO, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi vinthu vikaŵa wuli kwa Grace Li wati watengwa waka?

• Kasi ntchivichi chikamovwira kuti wasambire unenesko?

• Kasi Mudumbu Grace Li wakatonda wuli masuzgo pamanyuma pakuti wabatizika?

• Kasi Mudumbu Grace Li wakalombanga vichi vyakukhwaskana na mfumu wake?

• Kasi Mudumbu Grace Li watumbikika wuli chifukwa cha kulongora nkharo yiwemi kweniso kumuchindika chomene mfumu wake?