UMOYO WACHIKHRISTU
Tayani Ŵachiuta Ŵachilendo”
Yakhobe wakamanyanga kuti Yehova wakukhumba kuti tisopenge iyo pera, nangauli panyengo iyo kukaŵavya dango lakukanizga kusopa vikozgo. (Ek 20:3-5) Yehova wati wamuphalira Yakhobe kuti wawelere ku Beteli, Yakhobe wakaphalira waliyose uyo ŵakaŵa lumoza kuti wataye vikozgo. Yakhobe wakataya vikozgo kusazgaposo na ndeŵeleŵe izo panyake zikakolerananga na kusopa vikozgo. (Ge 35:1-4) Tikukayika yayi kuti Yehova wakakondwa chomene na ivyo Yakhobe wakachita.
Kasi mazuŵa ghano tingachita wuli kuti tisopenge Yehova pera? Chakwamba tikwenera kugega chilichose icho chikukolerana na kusopa vikozgo kweniso kuchita vyamizimu. Ichi chikusazgapo kutaya chilichose chakukhwaskana na vyamizimu kweniso kuŵa maso na vyakusanguluska ivyo tikutemwa. Mwachiyelezgero, jifumbani kuti: ‘Kasi nkhutemwa kuwonelera panji kuŵazga mabuku agho muli nkhani za mizguka panji za ufwiti? Kasi nkhutemwa vyakusanguluska ivyo muli vya mayere, kulowana panji kutemba munthu?’ Tikwenera kulekerathu chilichose icho Yehova wakutinkha.—Sa 97:10.
WONELERANI VIDIYO YA MUTU WAKUTI “SUSKANI DYABULOSI” NDIPO PAMANYUMA ZGORANI MAFUMBO AGHA:
Kasi ni masuzgo wuli agho msambiri wa Baibolo Palesa wakamba kusangana nagho?
Chifukwa wuli ntchamahara kufumba ulongozgi kwa ŵabali ŵalara usange pali suzgo la kukhwaskana na vyamizimu?
Suskani Dyabulosi, na kusendelerani kwa Chiuta.—Yak 4:7, 8
Kasi ni vinthu wuli ivyo awo ŵakukhumba kuti Yehova waŵavikilire ŵakwenera kulekerathu?
Kasi ntchinthu wuli chamahara icho Palesa wakachita?
Mwakuyana na ku chigaŵa chinu, kasi ni vinthu wuli ivyo mukwenera yayi kuchitako kuti viŵanda vileke kumusuzgani?