Kasi Mwanozgeka?

Kasi muli ŵakunozgeka usange soka la chilengiwa lingachitika uko mukukhala? Vindindindi, chimphepo cha hurricane, moto, kututuka kwa maji panji masoka ghanyake ghangachitika mwamabuchi ndipo ghangananga chomene vinthu. Kweniso uchigeŵenga, viwoneskero na matenda ghakwambukira vingamba nyengo yiliyose. (Mu 9:11) Tileke kughanaghana kuti uko tikukhala ise vinthu ivi vingachitika yayi.

Waliyose wa ise wakwenera kuŵikapo mtima kunozgekera masoka ghachilengiwa. (Zi 22:3) Nangauli gulu la Yehova likovwirapo para kwachitika masoka, kweni taŵeneko ndise tili na udindo ukuru.​—Ga 6:5.

WONELERANI VIDIYO YA MUTU WAKUTI KASI NDIMWE ŴAKUNOZGEKA USANGE KUNGACHITIKA SOKA LACHILENGIWA? NDIPO PAMANYUMA ZGORANI MAFUMBO AGHA:

• 

  Kasi mwauzimu tinganozgekera wuli masoka gha chilengiwa?

• 

  Chifukwa wuli ntchakuzirwa . . .

  • • kuti mudumbiskanenge na ŵalara pambere soka lindachitike, panyengo iyo soka likuchitika kweniso pamanyuma pakuti lachitika?

  • • kusunga vinthu vyakuti vingamovwirani pangozi?—g17.5 6

  • • kudumbiskana mitundu gha masoka agho ghangachitika mu chigaŵa chinu na kuwonerathu ivyo mungachita

• 

  Kasi ni nthowa wuli zitatu izo tingawovwilira awo ŵasangana na soka la chilengiwa?