Sankhani Mwamahara Ŵabwezi Ŵinu

Ivyo vikachitikira Ŵaisrayeli mu vidika vya Mowabu, ni chenjezgo ku Ŵakhristu mazuŵa ghano. (1Ko 10:6, 8, 11) Ŵaisrayeli awo ŵakamba kuchezga na ŵanakazi ŵazaghali kweniso ŵakusopa vikozgo ŵa ku Mowabu, ŵakanyengeka na kwamba kuchita zakwananga zikuru. Ichi chikapangiska kuti ŵajichemere masoka ghakuru. (Maŵ 25:9) Nase tazingilizgika na ŵanthu awo tikugwira nawo ntchito, awo tikusambira nawo sukulu, ŵazengezgani, ŵachibali na ŵanyake awo tikumanyana nawo awo ŵakusopa Yehova yayi. Kasi tingasambirako vichi ku nkhani ya mu Baibolo iyi, za kofya kwa kuŵa paubwezi na ŵanthu awo ŵakusopa Yehova yayi?

WONELERANI VIDIYO YA MUTU WAKUTI IVYO VIKAŴACHITIKIRA VIKUTICHENJEZGA MAZUŴA GHANO—YAKUDUMURA, NA KUZGORA MAFUMBO AGHA:

• 

  Kasi ni maghanoghano wuli ghaheni agho Zimuri na ŵanyake ŵakaphalira Yamini?

• 

  Kasi Finehasi wakamovwira wuli Yamini kuwona vinthu mwakwenelera?

• Kasi pali mphambano wuli pakati pakuŵa waubwezi kwa munthu uyo ni Mkhristu munyithu yayi, na kuŵa mubwezi wake?

• Chifukwa wuli tikwenera kuchenjera para tikusankha ŵabwezi nanga mungaŵa mu mpingo?

• Chifukwa wuli tikwenera kugega kuchezga pa magulu gha pa malo ghakuchezgerapo gha pa Intaneti agho pali ŵanthu awo tikuŵamanya makora yayi?