PHARAZGANI MWALUSO | SAZGIRANIKO CHIMWEMWE CHINU MU UTEŴETI
Wovwirani Ŵasambiri Ŵinu Kuti Ŵasangikenge pa Maungano
Maungano gha mpingo ntchigaŵa chakuzirwa chomene pakusopa kwaunenesko. (Sa 22:22) Wose awo ŵakuwungana kuti ŵasope Yehova ŵakuŵa ŵakukondwa kweniso ŵakutumbikika. (Sa 65:4) Kanandi awo tikusambira nawo Baibolo ŵakuluta panthazi mwaluŵiro para ŵakuwungana mwakukhazikika.
Kasi mungawovwira wuli awo mukusambira nawo Baibolo kuti ŵawunganenge? Lutilirani kuŵachemera ku maungano ghithu. Ŵalongorani vidiyo ya mutu wakuti, Kasi pa Nyumba ya Ufumu Pakuchitika Vichi? Ŵaphalirani uwemi wa maungano. (lff sambiro 10) Mungaŵaphalirako fundo yinyake iyo imwe mukasambira pa maungano, panji mungaŵaphalira mwakudumura ivyo mwamusambira pa maungano ghakulondezgapo. Ŵapani ŵasambiri ŵinu mabuku agho mwamusambira ku maungano. Kweniso ŵawovwirani usange ŵangakhumbikwira wovwiri. Nyengo zinyake ŵangakhumbikwira wovwiri pa nkhani ya mendero kuti ŵakafike ku maungano. Kuyezgayezga kulikose uko mungachita nkhwakuzirwa chomene usange msambiri winu wamusangika pa maungano kakwamba.—1Ko 14:24, 25.
WONELERANI VIDIYO YA MUTU WAKUTI, WOVWIRANI ŴASAMBIRI ŴINU KUTI ŴASANGIKENGE PA MAUNGANO, NDIPO PAMANYUMA ZGORANI MAFUMBO AGHA:
Kasi Neeta wakasanga m’pata wuli wakumuchemera Jade ku maungano gha mpingo?
Chifukwa wuli tikukondwa para munthu uyo tikusambira nayo Baibolo wamba kuwungana?
“Chiuta wali nadi pakati pinu”
Kasi chikachitika ntchivichi Jade wati wiza ku maungano kakwamba?