Wovwirani Ŵasambiri Ŵinu Kuti Ŵaŵe Paubwezi na Yehova

Yehova wakukhumba kuti timuteŵeterenge chifukwa chakuti tikumutemwa. (Mt 22:37, 38) Para ŵasambiri ŵinu ŵamba kutemwa Yehova, chitemwa ichi chiŵawovwirenge kuti ŵasinthe vinthu vinyake, na kuzizipizga para ŵasangana na viyezgo. (1Yo 5:3) Kweniso chitemwa ichi ndicho chiŵachiskenge kuti ŵabatizike.

Ŵawovwirani ŵasambiri ŵinu kuwona kuti Chiuta wakuŵatemwa. Mungaŵafumba mafumbo nga ghakuti: “Kasi ivi vikumusambizgani vichi za Yehova?” panji “Kasi ivi vikulongora wuli kuti Yehova wakumutemwani?” Ŵawovwirani ŵasambiri ŵinu kuwona kuti Yehova wakuŵatemwa chomene iwo paŵekha. (2Mi 16:9) Ŵaphalirani umo Yehova wazgolera malurombo ghinu, ndipo ŵachiskani kuti nawo ŵaŵenge maso na kuwona umo Yehova wakuzgolera malurombo ghawo. Tikukondwa chomene para tikuwona kuti ŵasambiri ŵithu ŵakumanya kuti Yehova wakuŵatemwa kweniso usange nawo ŵakumutemwa ndipo ŵakukhumba kuŵa nayo paubwezi.

WONELERANI VIDIYO YA MUTU WAKUTI, WOVWIRANI ŴASAMBIRI ŴINU KUTI ŴAŴE PAUBWEZI NA YEHOVA, NDIPO PAMANYUMA ZGORANI MAFUMBO AGHA:

• 

  Kasi Jade wakasangana na suzgo wuli?

• 

  Kasi Neeta wakamovwira wuli Jade?

• 

  Kasi Jade wakatonda wuli suzgo ili?