PHARAZGANI MWALUSO | SAZGIRANIKO CHIMWEMWE CHINU MU UTEŴETI
Sambizgani Awo Mukusambira Nawo Baibolo Kuti Ŵasambirenge Paŵekha
Awo tikusambira nawo Baibolo kuti ŵamumanye makora Yehova kweniso kuti ŵakure mwauzimu, ŵakwenera kusambira vinandi kuluska ivyo tikuŵasambizga. (Mt 5:3; Heb 5:12–6:2) Ŵakwenera kumanya umo ŵangasambilira paŵekha Mazgu gha Chiuta.
Kufuma waka pakwamba, tikwenera kuŵasambizga umo ŵanganozgekelera sambiro, ndipo tiŵachiskenge kuti ŵanozgekerenge. (mwb18.03 6) Tiŵachiskenge kuti ŵalombenge dankha pambere ŵandambe kusambira paŵekha. Ŵawovwirani kuti pakusambira ŵagwiliskirenge ntchito ivyo vili pa webusayiti yithu. Ŵawovwirani umo ŵangasangira mabuku pa foni panji tabuleti yawo. Ŵasambizganiso umo ŵangasangira vinthu viphya ivyo vikuŵa pa webusayiti yithu ya jw.org kweniso pa JW Broadcasting®. Lutilirani kuŵasambizga kuti ŵaŵazgenge Baibolo zuŵa lililose, kunozgekera maungano gha mpingo kweniso kuti ŵafufuzenge mazgoro gha mafumbo agho ŵali nagho. Kweniso ŵasambizgani kuti ŵaghanaghanirengepo ivyo ŵakusambira.
WONELERANI VIDIYO YA MUTU WAKUTI, WOVWIRANI ŴASAMBIRI ŴINU KUTI ŴASAMBIRENGE PAŴEKHA, NDIPO PAMANYUMA ZGORANI MAFUMBO AGHA:
Kasi Neeta wakamovwira wuli Jade kumanya kuti kusambira kukusazgapo vinandi kuluska kumanya waka mazgoro?
Kasi ntchivichi chikamovwira Jade kukhorwa kuti Yehova wakuchita nadi makora kukanizga uzaghali?
Wovwirani awo mukusambira nawo umo ŵangachitira kuti ŵasambirenge paŵekha na kugwiliskira ntchito ivyo ŵakusambira
Kasi Jade wakamanya vichi pa nkhani ya kughanaghanirapo?