UMOYO WACHIKHRISTU
Kasi Mukuyezga Kuti Mumanye Umo Yehova Wakuzgolera Malurombo Ghinu?
Mu Baibolo muli viyelezgero vinandi vya malurombo agho Yehova wakazgora. Para ŵateŵeti ŵa Chiuta ŵawona umo Yehova wazgolera malurombo ghawo na kuŵawovwira, tikukayika yayi kuti chipulikano chawo chikakhoranga chomene. Ntheura ntchakuzirwa kuti para tikulomba, tizunurenge mwakudunjika ivyo tikukhumba na kuyezga kuwona umo Yehova wakuzgolera. Tikwenera kukumbuka kuti Yehova wangazgora lurombo lwithu mwakupambanako na ivyo ise tangulomba. (2Ko 12:7-9; Efe 3:20) Kasi Yehova wangazgora wuli malurombo ghithu?
Wangatovwira mwakuthupi, mu kaghanaghaniro, panji mwauzimu, kuti tiŵe na nkhongono kutonda suzgo ilo takumana nalo.—Fil 4:13
Wangatipa vinjeru kuti tisankhe vinthu mwamahara.—Yak 1:5
Wangatipa khumbo kweniso nkhongono kuti tichite chinthu chinyake.—Fil 2:13
Wangatovwira kuti tileke kufipa mtima para tikwenjerwa.—Fil 4:6, 7
Wangagwiliskira ntchito ŵanji kuti ŵatipe ivyo tikukhumbikwira panji kutikhozga.—1Yo 3:17, 18
WONELERANI VIDIYO YA MUTU WAKUTI, YEHOVA ‘WAKUPULIKA MALUROMBO,’ NDIPO PAMANYUMA ZGORANI MAFUMBO AGHA:
Kasi ivyo vikachitikira Mubali Shimizu vingatikhozga wuli para tikutondeka kuchita vinandi chifukwa cha ulwari?
Kasi tingamuyezga wuli Mubali Shimizu?