OGASITI 5-11

MAZGU GHA CHIUTA MBUSAMBAZI

1. ‘Phalirani Muwiro Wakulondezgapo’ Nkhongono za Chiuta

(Mamin. 10)

Davide wakawona kuti Yehova wakamuvikilira apo wakaŵa muwukirano (Sa 71:5; w99-E 9/1 18 ¶17)

Davide wakawona kuti Yehova wakamovwira apo wakaŵa muchekuru (Sa 71:9; g04-CN 10/8 17 ¶3)

Davide wakakhozganga ŵawukirano mwa kuŵaphalira ivyo vikamuchitikira (Sa 71:17, 18; w14 1/15 23 ¶4-5)

Mbumba iyo yikalongoreka mu nkhani ya sabata yamara yakuti “Fundo Zakovwira pa Kusopa kwa Mbumba.”Yachemerapo mbumba yichekuru pa kusopa kwa mbumba ndipo yikutegherezga chomene apo mbumba iyi yikuŵalongora vithuzi na kulongosora ivyo vyaŵachitikirapo pa umoyo.

JIFUMBANI KUTI, ‘Kasi ni mubali na mudumbu njani mu mpingo withu uyo wateŵetera Yehova kwa nyengo yitali uyo ningatemwa kuchezga nayo panyengo yithu ya kusopa kwa Mbumba?’

2. Ivyo Tasambira

(Mamin. 10)

Sa 72:8—Kasi layizgo ilo Yehova wakalayizga Abrahamu pa Genizesi 15:18 likafiskika wuli panyengo iyo Themba Solomoni likawusanga? (it-1-E 768)

Lembani zgoro linu
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?

Lembani zgoro linu

3. Kuŵerenga Baibolo

(Mamin. 4) Sa 71:1-24 (th sambiro 5)

PHARAZGANI MWALUSO

4. Kwamba Kuyowoya na Ŵanthu

(Mamin. 3) KU NYUMBA NA NYUMBA. Para munthu wakukhumba kugazgana namwe, mazgani chidumbirano mwamtende. (lmd sambiro 4 fundo 5)

5. Kuwelerako

(4 min.) KUPHARAZGA MWAMWAŴI. Lutilirani kudumbiskana na mubali winu uyo wakuchedwa kwamba kusambira Baibolo. (lmd sambiro 8 fundo 4)

6. Kulongosora Vigomezgo Vinu

(Mamin. 5) Nkhani. ijwfq 49 Mutu: Chifukwa Wuli Ŵakaboni ŵa Yehova Ŵali Kusintha Vinthu Vinyake Ivyo Ŵakagomezganga? (th sambiro 17)

UMOYO WACHIKHRISTU

7. Ivyo Mungachita pa Kusopa kwa Mbumba

(15 min.) Kudumbiskana.

Mbumba iyo yangulongoleka kukwambilira yimilira ndipo yikuyezgelera kwimba sumu za Ufumu.

Mbumba yikuwonelera pulogiramu ya JW Broadcasting.

Mwana wawo msungwana wakuzgora fumbo ilo amama ŵake ŵamufumba pa nyengo iyo ŵakuyezgelera kupharazga pa kusopa kwa mbumba.

Kusopa kwa Mbumba ni nyengo yiwemi iyo ŵana ‘ŵakulangikira na kusambizgika maghanoghano gha Yehova.’ (Efe 6:4) Kuti ŵana ŵasambire pakuŵa ntchito, kweni chikuŵa chakukondweska chomene para ŵana ŵamba kuwutemwa unenesko wa mu Baibolo. (Yoh 6:27; 1Pe 2:2) Kuti movwire ŵapapi kuti kusopa kwa mbumba kuŵenge kwakusambizga kweniso kwakukondweska, weleranimo bokosi lakuti “Ivyo Mungachita pa Kusopa kwa Mbumba,” ndipo pamanyuma dumbiskanani mafumbo agha:

Kasi ni sachizgo wuli pa masachizgo agha ilo mungatemwa kuyezga?

Lembani zgoro linu
Kasi mwasanga nthowa yinyake iyo mukuwona kuti njakovwira?

Lembani zgoro linu

IVYO MUNGACHITA PA KUSOPA KWA MBUMBA

BAIBOLO:

Mungategherezga mavesi ghakujamburika gha mu sabata iyo, panji mungagaŵana waka mavesi na kuŵazga mwakukwezga. Waliyose mu mbumba wangaŵazga mazgu gha munthu uyo wakuzunulika pa chigaŵa icho.
Munganozgekera mafumbo agho ghali pa chigaŵa cha kuŵerenga Baibolo sabata iyo. Waliyose mu mbumba wangasankhapo fumbo na kukafufuza. Pamanyuma mungadumbiskana ivyo mwasanga.
Pangani fumbo panji longosorani chakuchitika chinyake ndipo fufuzani fundo za mu Baibolo mu buku la Malemba Ghakovwira pa Umoyo Withu Wachikhristu
Chitani seŵero la nkhani yinyake ya mu Baibolo
Sabata yiliyose mungalemba mavesi gha mu Baibolo pa kadi panji pa katoni, nga agho ghakusangika pa Vyakusazgirapo A mu burosha la Temwani Ŵanthu—Ŵazgorani Kuŵa Ŵasambiri, ndipo yezgani kusunga mavesi agha pamtima. Weleranimo mavesi agho mukalemba masabata ghakumasinda.
Ŵerengani ndime zichoko waka mu buku la Mungakondwa na Umoyo Kwamuyirayira!
Sankhani yumoza mu mbumba yinu kuti wayowoye lipoti kufuma pa yimoza mwa nkhani izo zikusangika pa chigaŵa cha “Mafumbo Agho Baibolo Likuzgora” panji “Mavesi gha mu Baibolo Ghalongosoreka,” pa chigaŵa chakuti Ivyo Baibolo Likusambizga pa jw.org.

MAUNGANO:

Munganozgekera vigaŵa vinyake vya maungano gha mpingo
Munganozgekera na kuyezgelera umo mungakazgolera. Mungathyera nyengo kuti muwone utali wa mazgoro ghinu
Mungasambilira sumu za Ufumu
Mungadumbiskana panji kuyezgelera ivyo mungakayowoya kuti mukakhozge munthu munyake pambere maungano ghandambe panji pamanyuma pa maungano ghakulondezgapo
Mungayezgelera kuyowoya nkhani ya mwana wa sukulu iyo ŵali kumupani ku mpingo pamaso pa mbumba yinu

UTEŴETI:

Munganozgekera upharazgi wa ku nyumba na nyumba
Munganozgekera maulendo ghinu ghakuwelerako
Ghanaghanirani upharazgi wamwamwaŵi na kuyezgelera umo mungambira chidumbirano mwaubwezi
Dumbiskanani ivyo mungachita kuti musazgireko uteŵeti winu mu nyengo ya Chikumbusko, para muli pa holide ku ntchito, panji para muli pa holide ku sukulu

VYAKUKHUMBIKWA PA MBUMBA:

Yezgelerani umo mungachitira kuti mumarane na suzgo ilo mwasangana nalo pa mbumba yinu panji ilo mukuwona kuti mungakumana nalo, nga lakukhwaskana na kuleka kunjilirapo pa vya charu, kutambuzgika ku sukulu, kuŵa na chibwezi panji kukondwelerako maholide ghanyake
Mungasinthana kuti pa chigaŵa chinyake mwana waŵe nga ni mupapi, ndipo mupapi waŵe nga ni mwana. Ŵana ŵakafufuze nkhani na kuzgora ŵapapi.

MASACHIZGO GHANYAKE:

Wonelerani na kudumbiskana pulogiramu ya JW Broadcasting
Ŵerengani nkhani panji kuwonelera vidiyo pa jw.org, na kudumbiskana
Dumbiskanani fundo zinyake za “Ŵachinyamata” panji “Ŵana” pa chigaŵa cha IVYO BAIBOLO LIKUSAMBIZGA pa jw.org
Weleranimo ivyo mukalemba pa ungano wadera panji wachigaŵa
Wonani panji fufuzani za chilengiwa chinyake, ndipo dumbiskanani ivyo mukusambirako vyakukhwaskana na Yehova
Nyengo zinyake mungachema mubali panji mudumbu munyake kuti muzakaŵe nayo pa kusopa kwa mbumba, na kumufumba ivyo wakumana navyo pa umoyo wake
Jiŵikirani vilato vyauzimu na kudumbiskana umo mungavifiskira
Pangirani lumoza chinthu chinyake icho chikulongosoreka mu Baibolo, kujambulira lumoza mapu, panji tchati

Wonelerani VIDIYO Chitanipo Kanthu Kuti Kusopa kwa Mbumba Kuŵenge Kwakukondweska. Pamanyuma fumbani ŵategherezgi kuti:

Kasi mfumu wangachita wuli kuti kusopa kwa mbumba kuŵe kwakukondweska kwa muwoli wake para palije ŵana?

Lembani zgoro linu

8. Sambiro la Baibolo la Mpingo

(Mamin. 30) bt mutu 13 ¶17-24