Ivyo Vingamovwirani Pakusambira

Kasi mukutemwa kuŵazga nkhani zakulongosora umoyo wa ŵabali na ŵadumbu ŵithu?

Ŵakutorana ŵanyake awo ŵakutemwa kuŵazga nkhani yakulongosora umoyo wa munthu mulenji uliwose, ŵakuti: “Nkhani izi zikutikhozga chomene kweniso zikutipa chimwemwe. Zikutikumbuska kuti nase tingaŵa ŵakugomezgeka nanga tingasangana na masuzgo wuli.” Mudumbu munyake uyo nayo wakujipulika nthena wakalemba kuti: “Nkhani izi ni zakupembuzga, kukhozga, kweniso kusamphuska. Ŵabali na ŵadumbu ŵithu aŵa ŵali na umoyo wachandulo. Nkhani zawo zikunichiska kuti nichite vinandi mu uteŵeti kweniso kunovwira kuti nichiske ŵana ŵane kuti nawo ŵamuchitire Yehova uteŵeti wanyengozose.”

Nkhani zakulongosora umoyo wa ŵanthu zingamuchiskani kuti mumuchitire vinandi Yehova, kutonda suzgo ilo mungaŵa nalo, kweniso kuzizipizga viyezgo vikuru na chimwemwe. Kasi nkhani izi mungazisanga nkhu?

• Wonani nkhani za mutu wakuti “Nkhani Zakulongosora Umoyo wa Ŵakaboni ŵa Yehova” pa jw.org panji pa JW Library®.

• Penjani “Nkhani Zakulongosora Umoyo wa Ŵakaboni ŵa Yehova” pa LAYIBULARE YA PA INTANETI ya Watchtower panji pa Watchtower Library.