“Ni Nthowa Yiphya Yakusambizgira!”

SOO-JEONG, wakukhala ku South Korea, wakugwira ntchito ya kovwira ŵana ŵa ku sekondare pa nkhani zakupambanapambana. Iyo wali kovwirapo ŵana mu kilasi lake na mavidiyo gha pa webusayiti ya jw.org. Sono wakuti: “Ŵana ŵakukondwa nayo chomene vidiyo yakuti What’s a Real Friend? (Kasi Mubwezi Wanadi Wakuŵa Wuli?) Ŵakati ŵayiwonelera, ŵanyake ŵakayowoya kuti, ‘Nindaghanaghanepo vya ŵabwezi munthowa iyi. Iyi ni nthowa yiphya yakusambizgira!’ Ŵanyake ŵakayowoya kuti ŵalutenge pa webusayiti iyi para ŵakukhumba ulongozgi.” Soo-jeong wakatiso: “Nkhaphalirapo ŵanyane ŵanandi kuti nawo ŵayezge kuwoneska vidiyo iyi, ndipo ŵakukondwa kusambizgira vidiyo iyi mu makilasi ghawo.”

Vidiyo yinyake iyo ŵana ŵanandi ku South Korea ŵakuwona kuti njakovwira nja tumakatuni ya mutu wakuti Kasi Ungachita Wuli na Munthu Uyo Wakukusuzga Kwambura Kutimbana Nayo? Msambizgi munyake wa pa sukulu ya Juvenile Violence Prevention Foundation wakawoneska ŵana vidiyo iyi mu kilasi lake. Iyo wakati: “Ŵana ŵanandi ŵakuyitemwa chomene vidiyo iyi chifukwa cha vithuzithuzi vyake. Kweniso vidiyo iyi njakovwira chifukwa yikulongora umo munthu wangazizipizgira para ŵanyake ŵakumusuzga kweniso umo wangachitira kuti ŵaleke kumusuzga.” Ŵalaraŵalara pa sukulu iyi ŵakapempha boma kuti liŵazomerezge kugwiliskira ntchito vidiyo iyi mu visambizgo vyawo, ku pulayimare na sekondare. Boma likaŵazomerezga. Ŵapolisi nawo ŵakugwiliskira ntchito mavidiyo gha pa jw.org.

Usange imwe mundawonepo pa webusayiti iyi, lutani mukawonepo. Njakusuzga yayi kujura, ndipo mungachita dawunilodi sumu na mavidiyo, kweniso Baibolo na vinyake vinandi kwambura kulipira.