Vidiyo Yiphya Yakwambiskira Masambiro gha Baibolo
Vidiyo yifupi ya mutu wakuti N’chifukwa Chiyani Tiyenera Kuphunzira Baibolo? yikovwira ŵanthu ŵanandi pa jw.org. Vidiyo iyi yili kupangika kuti yiwovwire ŵanthu ŵakunweka kuti ŵazomere kusambira Baibolo. Kuti munthu wasange vidiyo iyi, wakwenera kuluta pa kamutu kakuti “Pemphani Munthu Woti Aziphunzira Nanu Baibulo Kwaulere,” uwo uli pasi pa peji lakwamba panji wangagwiliskira nchito scan code iyo yili pa mathirakiti ghithu ghaphya. Pasi apa pakulongosora umo tingacitira na vidiyo iyi.
Para mukuwelerako kwa munthu mungayowoya kuti: “Kasi ningamulongorani vidiyo iyo yikulongosora umo mungasangira mazgoro gha mafumbo ghakukhwaskana na Baibolo agho ŵanthu ŵakufumba?” Para wazomera, mulongorani vidiyo pa foni yinu panji pa kompyuta yake para wali nayo.
Usange tagaŵira thirakiti liphya, tingamulongora scan code iyo yili pa thirakiti ili na kumuciska kuti wakapange scan pa foni yake. Cifukwa cakuti mu viyowoyero vinandi vidiyo iyi yikujurika pa Webusayiti yithu para tacita waka scan, munthu wangayiwonelera nyengo yeneyiyo pa foni yake.
Phalirani awo mukugwira nawo nchito, awo mukusambira nawo sukulu, ŵabali ŵinu, na ŵanji awo mukumanyana nawo za vidiyo iyi na kuŵalongora para ŵakukhumba. Panji mungaŵatumira uthenga pa foni wa umo ŵangasangira vidiyo iyi na kuŵapempha kuti ŵayiwonelere paŵekha.
Vidiyo yiphya iyi yingatovwira kuti tambiske masambiro ghanandi gha Baibolo na kuŵawovwira mwauzimu ŵanthu awo ŵali na “maghanoghano ghakwenelera umoyo wamuyirayira.”—Mil. 13:48.