LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • my cipaturo 32
  • Vilengo 10

Vidiyo palije.

Phepani, pali suzgo linyake.

  • Vilengo 10
  • Buku Lane la Nkhani za mu Baibolo
  • Nkhani Zakuyanako na Iyi
  • Miliri Yitatu Yakwamba
    Ivyo Mungasambira mu Baibolo
  • Muliri wa Nambara 10
    Ivyo Mungasambira mu Baibolo
  • Miliri Yinyake 6
    Ivyo Mungasambira mu Baibolo
  • Mozesi na Aroni Ŵakawonana na Faro
    Buku Lane la Nkhani za mu Baibolo
Wonani Vinyake
Buku Lane la Nkhani za mu Baibolo
my cipaturo 32
Munthondwe wakwamba, Mlonga wa Nayelo ukazgoka ndopa

CIPATURO 32

Vilengo 10

LAŴISKA pa vithuzithuzi ivi. Cithuzithuzi cilicose cili na cilengo ico Yehova wakacita mu Egupto. Pa cithuzithuzi cakwamba, wona Aroni wakutimba Mronga wa Nile (Nayilo) na ndodo yake. Wakati watimba, maji gha mu mronga ghakazgoka ndopa. Somba zikafwa, ndipo mronga ukayamba kununkha comene.

Munthondwe wa chiwiri, Faro wakuphata ŵachule pa bedi lake

Caciŵiri, Yehova wakiziska ŵaculi kufuma mu Mronga wa Nile. Ŵakaŵa palipose, pa vipembo, mu viŵiya, pa mabede gha ŵanthu; palipose waka balali. Ŵaculi ŵakati ŵafwa Ŵaegupto ŵakaŵawunjika, ndipo caru cikanunkha cifukwa ca iwo.

Pamanyuma pake Aroni wakatimba pasi na ndodo yake, ndipo fuvu likazgoka nyinda. Nyinda zikaŵa cilengo cacitatu kucitika mu caru ca Egupto.

Munthondwe wa Chitatu, Mwanakazi wakulumika na nyinda

Vilengo vyakulondezgapo vikapweteka Ŵaegupto pera, Ŵaisrayeli vikaŵakhwaska yayi. Cilengo cacinayi cikaŵa ca vimembe vikuluvikuru ivyo vikanjira mu nyumba za Ŵaegupto wose. Cilengo cacinkhondi cikaŵa pa nyama. Ng’ombe, mberere na mbuzi zinandi za Ŵaegupto zikafwa.

Pamanyuma, Mozesi na Aroni ŵakatola vyoto na kuviponya kucanya. Vyoto ivi vikapangiska mapumba pa ŵanthu na nyama. Ici cikaŵa cilengo cacinkhondi na cimoza.

Pamanyuma pake Mozesi wakanyoroskera woko lake kucanya, ndipo Yehova wakatuma vura ya malibwe. Yikaŵa vura ya malibwe iyo yikaŵa kuti yindawepo nakale mu Egupto.

Muntondwe wa chinayi, ŵa Eguputo ŵakuchimbira membe
Munthondwe wanambara 5, viŵeto vya ŵa Euguputo vikufwa

Cilengo cacinkhondi na citatu cikaŵa ca zombe. Unandi wake ukaŵa wakuti undacitikepo kumanyuma kose. Zombe likalya cilicose ico cikapona ku matalala.

Cilengo cacinkhondi na cinayi cikaŵa mdima. Caru cikaŵa mu mdima kwa mazuŵa ghatatu, kweni uko kukakhalanga Ŵaisrayeli kukaŵa ungweru.

Paumaliro pake, Ciuta wakaphalira ŵanthu ŵake kuti ŵaphake ndopa za kana ka mbuzi panji ka mberere pa mafulemu gha miryango. Mungelo wa Ciuta wakayenda mu caru cose ca Egupto. Para pa nyumba pali ndopa, mungelo wakajumphangapo waka pa nyumba iyo. Kweni mu nyumba zose izo pa mafulemu gha miryango pakaŵavya ndopa, mungelo wa Ciuta wakakoma ŵana ŵakwamba ŵa ŵanthu na ŵa nyama. Ici cikaŵa cilengo ca nambara 10.

Pamanyuma pa cilengo caumaliro ici, Faro wakaphalira Ŵaisrayeli kuti ŵalutenge. Ŵanthu ŵa Ciuta wose ŵakaŵa ŵakunozgeka kuluta, ndipo usiku wenewura ŵakayamba ulendo wawo kufumamo mu Egupto.

Ekisodo vipaturo 7 mupaka 12.

Mafumbo Ghakusambilira

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani