Sambiro 14

Umo Ŵakaboni ŵa Yehova Ŵakurongozgekera

Kasi mpauli apo Ŵakaboni ŵa Yehova ŵamakono ŵakambira? (1)

Ndi mwauli umo Ŵakaboni ŵa Yehova ŵakupangira maungano ghawo? (2)

Kasi ŵakupwelerera uli kagwiriskiro kawo ncito kandrama? (3)

Mbanjani aŵo mbarongozgi pa mpingo uliwose? (4)

Ni maungano uli ghakuru-ghakuru agho ghakucitika caka na caka? (5)

Ndi ncito uli izo zikucitika ku cinyina cawo na mintavi yake? (6)

1. Ŵakaboni ŵa Yehova ŵamakono ŵakamba mu ma 1870. Pakudanga, ŵakacemekanga Ŵasambiri ŵa Baibolo. Kwene mu 1931 ŵakatora zina la mu Malemba lakuti Ŵakaboni ŵa Yehova. (Yesaya 43:10) Kufuma pa ŵacoko waka gulu lakura kufika ku mamiliyoni na mamiliyoni gha Ŵakaboni, aŵo mbakutangwanika kupharazga mu vyaro vyakujumpa 230.

2. Mipingo yinandi ya Ŵakaboni ŵa Yehova yikuwungana katatu mu sabata. Mukucemeka kwizakapulikizgako ungano uliwose mwa agha. (Ŵahebere 10:24, 25) Visambizgo vyawo vikufuma mu Baibolo. Ungano waŵo ukuyamba nakumala na pempero. ‘Sumu zauzimu’ zakukora mtima zikwimbika mu maungano ghanandi. (Ŵaefeso 5:18, 19) Mose mukupokerereka mwawanangwa, kuti pakuŵa zithero cara.—Mateyu 10:8.

3. Mipingo yinandi yikucitira maungano ghawo mu Nyumba Yaufumu. Izi kaŵiri-kaŵiri ndi nyumba ziweme za kuzengeka na Ŵakaboni ŵakujipereka. Kuti mungawonamo vikozgo vilivyose cara, mpinjika, panji ciricose ca mupangiro uwu mu Nyumba Yaufumu. Ndrama zikulipilika na vyakupereka vyakujikhumbira. Kwa aŵo ŵangakhumba kupelekako cawanangwa, pali kabokosi kavyakupereka.—2 Ŵakorinte 9:7.

4. Mu mpingo uliwose, muli ŵarara, panji ŵalaŵiriri. Iwo ŵakurongozga mukusambizga mu mpingo. (1 Timote 3:1-7; 5:17) Ŵakovwirika na ŵateŵeti ŵakuteŵetera. (1 Timote 3:8-10, 12, 13) Ŵantu aŵa kuti mbakukwezgeka pacanya kuruska ŵanyawo mu mpingo cara. (2 Ŵakorinte 1:24) Iwo kuti ŵakupika mazina ghanyake ghapadera ghancindi cara. (Mateyu 23:8-10) Kuti ŵakuvwara vyakupambana na ŵanji cara. Nesi kulipilika pa mlimo waŵo cara. Ŵarara aŵa mwakujipereka ŵakupwererera vyakusoŵa vyauzimu vya mpingo. Mu nyengo za suzgo ŵangamupembuzgani na kumurongozgani.—Yakobe 5:14-16; 1 Petros 5:2, 3.

5. Ŵakaboni ŵa Yehova ŵakuŵaso na maungano ghakulughakulu panji ghacigaŵa caka na caka. Pa nyengo izi mipingo yinandi yikukumana pamoza cifukwa ca programu yapadera ya kusambizgika na Baibolo. Kubabatizika kwa ŵasambiri ŵapya ncigaŵa ca nyengo zose ca ungano uliwose panji programu ya ungano wa cigaŵa.—Mateyu 3:13-17; 28:19, 20.

6. Cinyina ca caru cose ca Ŵakaboni ŵa Yehova ciri ku New York. Aŵo ŵaliko mba Wupu Wakurongozga, gulu lapakati la ŵararaŵarara ŵakumanya tuntu aŵo ŵakulaŵilira mipingo yose pa caru. Kweniso pali mintavi 100 ya ma ofesi pa caru cose. Mu malo agha, ŵakujipereka ŵakovwira kusindikizga na kugaŵa mabuku ghakurongosora za Baibolo. Urongozgi ukuperekekaso ku kunozgekereska ncito ya kupharazga. Mwalekeraci kupanga manozgero ghakukafikako ku ofesi ya muntavi yimoza kufupi namwe?