Laŵiskaninge pa Njombe

1. Para vinthuru vyawona

Ŵakumangwa ŵapulika,

Mu vipalamba mwamera

Mu cinkhamwa mwenda maji,

Na vilima vikuduka,

Ŵakutemweka kufwa ca!

Nyengo iyo muzam’ŵako,

Para m’kulaŵiska njombe.

2. Para mbuwu zayowoya,

Na ucekuru wamara,

Caru naco capambika

Viwemi kumara cara,

Para ŵanici ŵakwimba,

Kose, cimwemwe na mtende,

Muzamuwona ciwuka,

Para m’kulaŵiska njombe.

3. Twanamberere, matholi

Kurya pamo na vikoko,

Mwana wazam’vilongozga,

Ndipo vizam’pulikira.

Para masozi ghamara,

Wofi, vitima vyaluta,

Vyose muzamuviwona,

Para m’kulaŵiska njombe.