LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • bm chigaŵa 7 p. 10
  • Chiuta Wakuwombora Ŵana ŵa Israyeli ku Wuzga

Vidiyo palije.

Phepani, pali suzgo linyake.

  • Chiuta Wakuwombora Ŵana ŵa Israyeli ku Wuzga
  • Kasi mu Baibolo Muli Uthenga Wuli?
  • Nkhani Zakuyanako na Iyi
  • Manyani Nthowa za Yehova
    Gongwe la Mulinda Likupharazga Ufumu wa Yehova—2005
  • Mozesi Wakasankha Kusopa Yehova
    Ivyo Mungasambira mu Baibolo
  • Mozesi na Aroni Ŵakawonana na Faro
    Buku Lane la Nkhani za mu Baibolo
  • Fundo Zikuru za m’Buku la Exodus
    Gongwe la Mulinda Likupharazga Ufumu wa Yehova—2004
Wonani Vinyake
Kasi mu Baibolo Muli Uthenga Wuli?
bm chigaŵa 7 p. 10
Mozesi wanyamura malibwe ghaŵiri, pali malango 10

CHIGAŴA 7

Chiuta Wakuwombora Ŵana ŵa Israyeli ku Wuzga

Yehova watuma vilengo mu Eguputo, ndipo Mozesi wakufumiska ŵana ŵa Israyeli. Chiuta wakupeleka Dango ku Ŵaisrayeli kwizira mwa Mozesi

KWA vilimika vinandi, ŵana ŵa Israyeli ŵakakhala mu Eguputo, ŵakasambazga na kwandana. Ndipouli, Faro munyake wakamba kuwusa. Muwusi uyu wakamumanyanga yayi Yosefe. Munthu wakofya uyu, uyo wakopanga wumba wa Ŵaisrayeli, wakazgora Ŵaisrayeli kuŵa ŵazga na kulangura kuti ŵabonda wose ŵanalume ŵaponyeke mu Mlonga wa Nile. Kweni mama yumoza wachikanga wakavikilira mwana wake, wakamuŵika mu chitete na kumubisa mu khata. Mwana mwanakazi wa Faro ndiyo wakasanga bonda uyu na kumuthya Mozesi, ndipo wakamulera mu mbumba ya themba la Eguputo.

Apo Mozesi wakaŵa na vilimika 40, wakanjira mu suzgo apo wakavikilira Muisrayeli kwa Mueguputo. Mozesi wakachimbira kuya ku charu chakutali, uko wakakhalanga nga ni mulendo. Kweni apo Mozesi wakaŵa na vilimika 80, Yehova wakamutumaso ku Eguputo kuti wakakumane na Faro na kumuphalira kuti wafwature ŵanthu ŵa Chiuta.

Faro wakakanirathu. Ntheura Chiuta wakatimba Eguputo na vilengo khumi. Nyengo zose, Mozesi wakaphaliranga Faro kuti wafwature Ŵaisrayeli mwakuti paleke kwiza chilengo chinyake, kweni Faro wakanonopeska mtima wake. Wakayuyuranga Mozesi na Chiuta wake Yehova. Paumaliro, chilengo cha khumi chikakoma ŵana wose ŵakwamba kubabika, kupatulako ŵana ŵamumbumba izo zikapulikira Yehova na kuphaka ndopa za mberere pa mafulemu gha milyango. Mungelo wa Chiuta uyo wakakomanga ŵana ŵakwamba kubabika wakajumphiliranga waka pa nyumba zira. Pamasinda Ŵaisrayeli ŵakakondweleranga Paska chilimika chilichose chifukwa chakuti ŵana ŵawo ŵakapona.

Mwana wakwamba wa Faro nayo wakakomeka, ntheura Faro wakalangura Mozesi na Ŵaisrayeli wose kuti ŵafumemo mu Eguputo. Mwaluŵiro, ŵanthu ŵanandi ŵakanozgeka kufumamo mu Eguputo. Kweni Faro wakasintha maghanoghano. Wakawunganya ŵankhondo na magaleta ghawo ndipo ŵakaŵalondezga. Ŵalwani ŵakaghanaghananga kuti ŵamusanga Ŵaisrayeli pa Nyanja Yiswesi. Ndipouli Yehova wakapatura maji pa Nyanja Yiswesi, Ŵaisrayeli ŵakambuka pakomira, pakati pa viliŵa vya maji. Ŵaeguputo ŵakamba kwambuka, kweni Chiuta wakagumaniska maji ndipo Faro na ŵankhondo ŵake ŵakabira.

Apo Ŵaisrayeli ŵakazenga misasa pafupi na Lupiri lwa Sinayi, Yehova wakachita nawo phangano. Mozesi ndiyo wakaŵa Muphemaniski wa phangano ili, ndipo Chiuta wakapeleka malango ku Ŵaisrayeli kuti ghaŵavikilirenge na kuŵalongozga pa vilivyose ivyo ŵakachitanga. Ŵaisrayeli ŵazomerenge kuwusika na Chiuta mphanyi wakaŵa nawo ndipo mitundu yinyake mphanyi yikatumbikika chifukwa cha iwo.

Ndipouli, Ŵaisrayeli ŵanandi ŵakaŵavya chipulikano mwa Chiuta. Ntheura Yehova wakaŵayingiska mu mapopa vilimika 40. Kufuma apo, Mozesi wakimika Joshuwa kuti walongozge Ŵaisrayeli m’malo mwa iyo. Paumaliro, Ŵaisrayeli ŵakaŵa ŵakunozgeka kunjira mu charu icho Chiuta wakalayizga Abrahamu.

—Yafuma pa Exodus; Leviticus; Maŵazgo; Duteronome; Salmo 136:10-15; Milimo 7:17-36.

  • Kasi vikenda wuli kuti Chiuta watume Mozesi kukawombora Ŵaisrayeli?

  • Kasi vikamba wuli kuti Ŵaisrayeli ŵakondwelerenge Paska?

  • Kasi Yehova wakachitachi kuti wawombore Ŵaisrayeli mu wuzga ku Eguputo?

LANGURO LIKURU CHOMENE

Malango Khumi agho ghali kulembeka pa Exodus 20:1-17 ndigho ngakumanyikwa chomene pa malango pafupifupi 600 agho ghakapelekeka kwizira mwa Mozesi. Ndipouli, apo Yesu Khristu wakafumbika kuti wayowoye ilo ni languro likuru chomene pa malango ghose gha Chiuta, iyo wakasankha ili: ‘Utemwenge Yehova Chiuta wako na mtima wako wose na umoyo wako wose na maghanoghano ghako ghose na nkhongono zako zose.’—Mariko 12:28-30; Duteronome 6:5.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani