Ŵakategherezga kwa Satana Ndipo Ntchivichi Chikachitika?

Adamu na Eva ŵakamupulikira yayi Chiuta, ntheura ŵakafwa. Genizesi 3:6, 23

Eva wakategherezga ku njoka ndipo wakalyako chipasi. Kufuma apo, wakamupako Adamu ndipo nayo wakarya.

Icho ŵakachita chikaŵa chiheni ndipo kukaŵa kwananga. Chiuta wakaŵachimbizga mu chikaya chawo cha Paradiso.

Umoyo ukaŵa wakusuzga kwa iwo ndiposo ku ŵana ŵawo. Ŵakachekura na kufwa. Ŵakaluta ku malo gha mizimu chara, iwo kukaŵavya.

Ŵakufwa ŵalije umoyo; ŵali nga ni fuvu. Genizesi 3:19

Tose tikufwa chifukwa tili kufuma kwa Adamu na Eva. Ŵakufwa ŵangawona yayi panji kupulika nesi kuchita chilichose.—Mupharazgi 9:5, 10.

Likaŵa khumbo la Yehova yayi kuti ŵanthu ŵafwenge. Sonosono apa, Chiuta wazamuwuska ŵakufwa ndipo ŵazamuŵaso ŵamoyo. Usange ŵapulikira, ŵazamuŵa ŵamoyo kwamuyirayira.