Kasi Umoyo Ukaŵa Wuli mu Paradiso?

Yehova wakapeleka vinthu viwemi vinandi kwa Adamu na Eva. Genizesi 1:28

Yehova wakalenga Eva, mwanakazi wakwamba, na kumupeleka kwa Adamu kuŵa muwoli wake.—Genizesi 2:21, 22.

Yehova wakaŵalenga na maghanoghano kweniso mathupi ghakufikapo na ghambura kalema.

Chikaya chawo cha Paradiso ukaŵa munda wa Edeni, malo agho ghakaŵa ghakutowa chomene ndipo mukaŵa mlonga na makuni gha vipasi kweniso vinyama.

Yehova wakayowoyanga nawo kweniso wakaŵasambizganga. Ŵapulikirenge, mphanyi ŵakaŵa ŵamoyo kwamuyirayira mu Paradiso pa charu chapasi.

Chiuta wakaŵakanizga kurya vya mu khuni limoza pera. Genizesi 2:16, 17

Mu munda wa Edeni, Yehova wakalongora Adamu na Eva khuni limoza la vipasi, na kuŵaphalira kuti usange ŵalyenge vya mu khuni ili, ŵafwenge. Mungelo yumoza wakamugalukira Chiuta.

Mungelo muheni uyu ni Satana Dyabulosi.

Satana wakakhumba yayi kuti Adamu na Eva ŵapulikire Yehova. Ntheura wakizira mwa njoka na kuphalira Eva kuti usange walyenge chipasi cha mu khuni lira, wafwenge yayi, kweni waŵenge nga ni Chiuta. Uwu ukaŵa utesi wa tu! —Genizesi 3:1-5.