Kasi Yehova Wakutipulika?

Chiuta wakupulika malurombo ghithu. 1 Petrosi 3:12

Yehova ‘ngwakupulika malurombo.’ (Salimo 65:2) Wakukhumba kuti tiyowoyenge nayo kufumira pasi pa mtima.

Lombaninge kwa Yehova pera, kwa munyakeso chara.

Tingalomba pa nkhani zinandi. 1 Yohane 5:14

Lombani kuti khumbo la Chiuta lichitike kuchanya na pano pasi.

Lombani mu zina la Yesu kulongora kuti mukuwonga ivyo wali kumuchitirani.

Lombani Yehova kuti wamovwirani kuchita uwemi. Kweniso mungalomba kuti musange chakurya, ntchito, nyumba, malaya, na umoyo uwemi.