LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • jl sambiro 15
  • Kasi Ŵalara Ŵakovwira Wuli Mpingo?

Vidiyo palije.

Phepani, pali suzgo linyake.

  • Kasi Ŵalara Ŵakovwira Wuli Mpingo?
  • Mbanjani Ŵakuchita Khumbo la Yehova Mazuŵa Ghano?
  • Nkhani Zakuyanako na Iyi
  • Kasi Mpingo wa Ŵakaboni ŵa Yehova Ukwenda Wuli?
    Mungakondwa na Umoyo Kwamuyirayira!—Kusambira Baibolo Mwakudumbiskana
  • “Liskani Mskambo wa Ciuta Uwo Mukupwelelera”
    Gongwe la Mulinda Likupharazga Ufumu wa Yehova—2011
  • “Mucindikenge Awo Ŵakufukafuka Comene Pakati Pinu”
    Gongwe la Mulinda Likupharazga Ufumu wa Yehova—2011
  • Mwaŵaliska, Yezgani Ŵaliska Ŵakuru
    Gongwe la Mulinda Likupharazga Ufumu wa Yehova—2013
Wonani Vinyake
Mbanjani Ŵakuchita Khumbo la Yehova Mazuŵa Ghano?
jl sambiro 15

SAMBIRO 15

Kasi Ŵalara Ŵakovwira Wuli Mpingo?

Mulara wakuyowoya na ŵanthu mu mpingo

Finland

Mulara wakusambizga mu mpingo

Kusambizga

Ŵalara ŵakukhozga ŵanthu mu mpingo

Kuliska

Mulara wakupharazga

Kupharazga

Ise tilije ŵaliska awo ŵakupokera malipiro. Tikuchita ivyo ŵakachitanga Ŵakhristu ŵanyithu kale. Tili na ŵalaŵiliri awo ŵakusankhika ‘kuti ŵaliske mpingo wa Chiuta.’ (Milimo 20:28) Ŵalaŵiliri aŵa, panji kuti ŵalara, ŵakopa Chiuta. Iwo ŵakudangilira na kuliska mpingo. Ŵakuchita ivi ‘mwakuchichizgika yayi, kweni mwakukhumbisiska pamaso pa Chiuta. Ŵakukhumba kusanga chandulo munthowa yauryarya yayi, kweni ŵakuteŵetera na mtima wose.’ (1 Petrosi 5:1-3) Kweni kasi ŵakuchita ntchito wuli?

Ŵakutivikilira. Ŵalara ŵakulongozga na kuvikilira ŵanyawo mu mpingo, mwakuti waliyose walutilire kutemweka na Yehova. Ŵakumanya kuti Chiuta wali kuŵapa mulimo wakuzirwa, ntheura ŵakuwusa ŵanyawo yayi, kweni ŵakutovwira kuti tose tiŵe “ŵachimwemwe.” (2 Ŵakorinte 1:24) Nga ni muliska uyo wakupwelelera mberere zake, ŵalara nawo ŵakumanya munthu waliyose uyo wali mu mpingo.—Zintharika 27:23.

Ŵakutisambizga kuchita khumbo la Chiuta. Sabata yiliyose, ŵalara ŵakutisambizga pa ungano mwakuti chipulikano chithu chikhore. (Milimo 15:32) Kweniso ŵalara ŵakudangilira pa mulimo wa kupharazga. Ŵakuluta nase kukapharazga na kutisambizga nthowa zose zakupharazgira.

Ŵakukhozga waliyose. Iwo ŵakukhumba kuti waliyose walutilire kuŵa mubwezi wa Yehova. Ntheura ŵakwiza ku nyumba zithu, panji kuchezga nase pa Nyumba ya Ufumu. Ŵakutiŵazgira Malemba kuti ŵatovwire na kutipembuzga.—Yakobe 5:14, 15.

Padera pa ivyo ŵalara ŵakuchita mu mpingo, ŵakugwira ntchito zakulembeka, kweniso ŵakupwelelera mbumba zawo. Vyose ivi vikukhumba nyengo. Ntheura tikwenera kuŵachindika ŵabali aŵa, chifukwa ŵakufukafuka chomene.—1 Ŵatesalonika 5:12, 13.

  • Kasi ŵalara ŵakuchita vichi mu mpingo?

  • Kasi ŵakuchita vichi kulongora kuti ŵakughanaghanira Mkhristu waliyose?

MANYANI VINANDI

Ni njani ngwakwenelera mulimo waulaŵiliri? Ŵazgani 1 Timote 3:1-10, 12, na Tito 1:5-9 kuti muwone ivyo munthu wakwenera kuchita mwakuti waŵe wakwenelera kuŵa mulara panji muteŵeti wakovwira.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani