LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • lfb sambiro 36 p. 88-p. 89 ndime 1
  • Ivyo Yefita Wakalayizga

Vidiyo palije.

Phepani, pali suzgo linyake.

  • Ivyo Yefita Wakalayizga
  • Ivyo Mungasambira mu Baibolo
  • Nkhani Zakuyanako na Iyi
  • Phangano la Yefita
    Buku Lane la Nkhani za mu Baibolo
  • Wakakondweska Adada Ŵake na Yehova
    Sambizgani Ŵana Ŵinu
  • Yehova Wakutemwa Awo Mbakugomezgeka
    Gongwe la Mulinda Likupharazga Ufumu wa Yehova (Lakusambira)—2016
  • Yefita Wakaŵa Munthu Wauzimu
    Kabuku ka Maungano ka Uteŵeti na Umoyo Wachikhristu—2021
Wonani Vinyake
Ivyo Mungasambira mu Baibolo
lfb sambiro 36 p. 88-p. 89 ndime 1
Yefita wapalura vyakuvwara vyake wati wawona mwana wake wakwiza kuzakamupokelera

SAMBIRO 36

Ivyo Yefita Wakalayizga

Ŵaisrayeli ŵakamulekaso Yehova. Ŵakayamba kusopa ŵachiuta ŵatesi. Apo Ŵaamoni ŵakaŵawukira na kutimbana nawo, ŵachiuta awo Ŵaisrayeli ŵakamba kusopa ŵakaŵawovwira yayi. Ŵaisrayeli ŵakasuzgika vyaka vinandi. Paumaliro ŵakapemphera kwa Yehova kuti: ‘Tamunangirani. Chonde tiponoskani ku ŵalwani ŵithu.’ Ŵaisrayeli ŵakaphwanya vikozgo ivyo ŵakasopanga na kwamba kusopaso Yehova. Yehova wakakhumba yayi kuŵawona kuti ŵakulutilira kusuzgika.

Yefita, uyo wakamanyanga chomene nkhondo, wakasankhika kuti walongozge Ŵaisrayeli kukatimbana na Ŵaamoni. Iyo wakati kwa Yehova: ‘Para mutovwirenge kuti tiwine nkhondo iyi, nkhulayizga kuti para nawelera kunyumba, namumupani munthu uyo wamuŵa wakwamba kufuma mu nyumba yane kuti wanipokelere.’ Yehova wakapulika lurombo lwa Yefita ndipo wakamovwira kuwina nkhondo.

Yefita wakati wawelera ku nyumba yake, munthu wakwamba kumupokelera wakaŵa mwana wake msungwana yumoza pera. Mwana wake wakavinanga na kulizga kang’oma. Kasi Yefita wakachita wuli? Wakakumbukira ivyo wakalayizga Yehova ndipo wakati: ‘Mbaya mwe, mwana wane! Wanipweteka chomene. Nkhalayizga Yehova. Kuti nifiske ivyo nkhalayizga, nkhwenera kukutumizga ku chihema ku Shilo kuti ukamuteŵeterenge.’ Mwana wake wakazgora kuti: ‘Adada usange mukalayizga Yehova, mukwenera kufiska ivyo mukalayizga. Icho ningapempha kwa imwe ntchakuti munipe myezi yiŵiri kuti nilute na ŵanyane ku mapiri. Pamanyuma ndipo nizamunyamuka kuluta ku Shilo.’ Mwana wa Yefita wakateŵetera Yehova pa chihema mwakugomezgeka umoyo wake wose. Chaka chilichose ŵasungwana ŵanyake ŵakalutanga ku Shilo kukamuwona.

Ŵabwezi ŵa mwana wa Yefita ŵiza pa chihema kuzakachezga nayo

“Uyo wakutemwa chomene mwana wake mwanalume panji msungwana kuluska ine, ngwakwenelera ine chara.”​—Mateyu 10:37

Mafumbo: Kasi Yefita wakalayizga vichi kwa Yehova? Kasi mwana wa Yefita wakati wuli wati wapulika ivyo adada ŵake ŵakalayizga Yehova?

Ŵeruzgi 10:6–11:11; 11:​29-40; 1 Samuyeli 12:​10, 11

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani