Mazgu Ghakwamba gha Chigaŵa 1

Baibolo likwamba kutiphalira vya kulenga, ichi chikutovwira kuwona vinthu vyakutowa ivyo Yehova wali kupanga, kuchanya na pa charu. Usange ndimwe mupapi, wovwirani mwana winu kuwona vilengiwa vyakupambanapambana. Muphalirani umo Chiuta wakalengera munthu kuŵa wakupambana na vinyama, chifukwa chakuti wakuyowoya, kughanaghana, kupanga vinthu, kwimba, na kulomba. Movwirani kumanya nkhongono na vinjeru vya Yehova, chomenechomene chitemwa chake pa vyose ivyo wali kulenga, kusazgapo taŵanthu waliyose payekha.