BOKOSI 20A
Kugaŵa Charu
Mboniwoni yikalongosora makora umo charu chamugaŵikira, ndipo Ŵayuda awo ŵakaŵa ŵazga ŵakakhorwa kuti ŵazamuweleraso nadi ku charu chawo. Kasi tingasambirako vichi ku mboniwoni iyi mazuŵa ghano? Wonani vigaŵa viŵiri vya mu mboniwoni iyi:
Malo ghakukhazikika na mulimo wakuzirwa
Munthu waliyose uyo wakawerako ku wuzga wakapokera chiharo chake mu Charu cha Layizgano. Mazuŵa ghano napo, ŵateŵeti wose ŵa Yehova ŵali na malo ghawo mu paradiso wauzimu. Tose tili na malo ghakukhazikika kweniso uteŵeti wakuzirwa mu charu chauzimu, nanga vingaŵa kuti ivyo tikuchita mu gulu vingawoneka vichoko. Yehova wakuwona kuti ŵateŵeti ŵake wose mbakuzirwa.
Vigaŵa vyakuyana waka
Mu mboniwoni ya Ezekiyeli, chigaŵa chilichose mu Charu cha Layizgano chikawovwiranga awo ŵakakhalangamo kusanga vitumbiko vinandi vya charu. Mazuŵa ghano napo, Yehova wawovwira ŵateŵeti ŵake wose kusanga vitumbiko vyakuyana mu paradiso wauzimu.