Kuyowoya Munthowa Yakuti Muŵafike Pamtima

Zintharika 3:1

FUNDO YIKURU: Wovwirani ŵategherezgi ŵinu kuti ŵachindikenge kweniso kulondezga ivyo ŵasambira.

UMO MUNGACHITIRA:

• Wovwirani ŵategherezgi ŵinu kuti ŵaghanaghanirepo. Fumbani mafumbo agho ghangawovwira ŵategherezgi kughanaghanirapo ivyo ŵakugomezga.

• Ŵachiskani kuti ŵachitenge viwemi. Chiskani ŵategherezgi ŵinu kuti ŵaghanaghanirengepo chifukwa icho ŵakuchitira vinthu viwemi. Ŵachiskani kuti ŵatemwenge Yehova, ŵanthu, kweniso ivyo Baibolo likusambizga. M’malo mwa kuyowoya waka mwekha panji kuŵaphalira waka chakuchita, dumbiskanani nawo. Kweniso m’malo mwa kuŵalengeska, ŵakhozgani na kuŵachiska kuti ŵachitepo kanthu pa ivyo ŵasambira.

• Ŵawovwirani kuti ŵatemwenge Yehova. Didimizgani umo visambizgo vya mu Baibolo, fundo kweniso malango ghake, vikulongolera makhaliro gha Chiuta na chitemwa chake ku ŵanthu. Wovwirani ŵategherezgi ŵinu kuti ŵaghanaghanirengepo umo Yehova wakuwonera vinthu na kumukondweska.