SAMBIRO 11

Kuthukutera

Ŵaroma 12:11

FUNDO YIKURU: Yowoyani mwakukhuka kuti munthu wakondwe na uthenga winu.

Yowoyani na mtima wose. Apo mukunozgekera nkhani yinu, ghanaghanirani kuzirwa kwake. Yimanyani makora nkhani yinu kuti mukayowoye kufumira pasi pa mtima.
Ghanaghanirani ŵategherezgi ŵinu. Ghanaghanirani umo nkhani yinu yamovwilira ŵanyake. Ghanaghaniraniso nthowa zinyake izo mungakalondezga kuti ŵategherezgi ŵakakondwe na nkhani yinu.
Yowoyani mwakuthukutera. Yowoyani mwakukhuka. Chitani majesicha ghakumanyikwa makora ndipo chisko chinu chilongorenge umo mukujipulikira.

Mukwenera yayi kuwerezga waka jesicha yimozamoza chifukwa mungatimbanizga ŵategherezgi ŵinu. Majesicha ghinu ghaŵe ghakuti ghangawovwira nadi. Longorani kuthukutera, chomenechomene para mukusambizga fundo zikuru ndipo chiskani ŵategherezgi ŵinu kuti ŵachitepo kanthu. Mungathukuteranga waka palipose yayi chifukwa vingapangiska ŵategherezgi kuvuka na nkhani yinu.