Sambizgani Mwakuthukutera

Para tikusambizga mwakuthukutera, ŵanthu ŵategherezgenge chomene uthenga withu. Kweniso para tikuchita nthena tikulongora kuti tikuzirwiska uthenga withu. Nakuti tose tingasambizga mwakuthukutera, vilije kanthu kuti tili kukulira nkhu panji ndise munthu wamtundu wuli. (Ro 12:11) Ipo kasi tingachita wuli kuti tisambizgenge mwakuthukutera?

Chakwamba tighanaghanirenge kuzirwa kwa uthenga withu. Tili na mwaŵi wa kupharazga “makani ghawemi gha vinthu viwemi.” (Ro 10:15) Chachiŵiri, tighanaghanirenge umo makani ghawemi ghangawovwilira ŵategherezgi ŵithu. Ŵakukhumbikwira nadi kuti ŵapulike ivyo muyowoyenge. (Ro 10:13, 14) Chaumaliro, yowoyani mwakukhuka, mwakawiro, kweniso chisko chinu chilongorenge kuti ivyo mukuyowoya vikufuma mu mtima.

WONELERANI VIDIYO YA MUTU WAKUTI, MUKONDWENGE PAKUZGORA ŴANTHU KUŴA ŴASAMBIRI—SAZGIRANIKO LUSO LWINU—SAMBIZGANI MWAKUTHUKUTERA, NDIPO PAMANYUMA ZGORANI MAFUMBO AGHA:

• 

  Kasi ntchivichi chikapangiska Neeta kuti waleke kukhuka pakusambira na Jade?

• 

  Kasi ntchivichi chikamovwira Neeta kuti wambeso kukhuka?

• 

  Chifukwa wuli tikwenera kuwona viwemi mu ŵanthu awo tikuŵapharazgira?

• Kasi kusambizga mwakuthukutera kungawovwira wuli awo tikusambira nawo Baibolo kweniso ŵanthu ŵanyake?