Chigaŵa 1, Kuweleramo
Dumbiskanani na msambizgi winu mafumbo agha:
Kasi ntchivichi chikumukondweskani na ivyo Baibolo likulayizga munthazi?
(Wonani Sambiro 02.)
Chifukwa wuli mukugomezga kuti Baibolo ni Mazgu gha Chiuta?
(Wonani Sambiro 03 na 05.)
Chifukwa wuli ntchakuzirwa kuzunura zina la Chiuta?
(Wonani Sambiro 04.)
Baibolo likuti Chiuta ‘ntchisimi cha umoyo.’ (Salimo 36:9) Kasi mukugomezga fundo iyi?
(Wonani Sambiro 06.)
Ŵazgani Zintharika 3:32.
Chifukwa wuli Yehova ni mubwezi muwemi chomene?
Kasi Yehova wakukhumba kuti ŵabwezi ŵake ŵachitenge vichi? Kasi mukughanaghana kuti ntchamahara kuchita nthena?
(Wonani Sambiro 07 na 08.)
Ŵazgani Salimo 62:8.
Kasi ni vinthu wuli vinyake ivyo mukalombapo kwa Yehova? Kasi mungalombaso vichi vinyake?
Kasi Yehova wakuzgora wuli malurombo ghithu?
(Wonani Sambiro 09.)
Ŵazgani Ŵahebere 10:24, 25.
Kasi maungano gha Ŵakaboni ŵa Yehova ghangamovwirani wuli?
Kasi mukughanaghana kuti ntchamahara kusangikapo pa maungano agha?
(Wonani Sambiro 10.)
Chifukwa wuli ntchakuzirwa kuŵerenga Baibolo zuŵa lililose? Kasi muli na ndondomeko wuli yakuŵerengera Baibolo?
(Wonani Sambiro 11.)
Kasi mwasanga chandulo wuli chifukwa cha kusambira Baibolo?
Kufuma apo mukambira kusambira Baibolo, kasi mwasanganapo na masuzgo wuli? Kasi ntchivichi chingamovwirani kuti mulutilire kusambira Baibolo?
(Wonani Sambiro 12.)