Chiwuravi

Ivyo Yesu Wakachita

VIDIYO: Yesu Wakawulengera Chitima Mzinda

1. Wonelerani VIDIYO, panji ŵazgani Mariko 6:​30-34. Kufuma apo zgorani mafumbo ghakulondezgapo agha:

1. Chifukwa wuli Yesu na ŵapositole ŵake ŵakakhumbanga “kuya kwaŵekha”?

2. Kasi ntchivichi chikamutuma Yesu kuti wambe kusambizga mzinda?

Kasi Tikusambirako Vichi kwa Yesu?

2. Chiwuravi chikutovwira kuti tighanaghanirenge ŵanthu na kuŵapharazgira makani ghawemi.

Yezgani Yesu

3. Mutegherezgenge mwakupwelelera chomene. Mupani m’pata munthu kuti wamuphalirani umo wakujipulikira. Kumudumulizga yayi panji kumususka para wakulongosora umo wakujipulikira, ivyo wakufipa navyo mtima panji fundo zake. Para mukumutegherezga mwakupwelelera, mukulongora kuti mukuchindika maghanoghano ghake.

4. Mughanaghanirenge munthu wakunweka. Kuyana na ivyo mwadumbiskana, jifumbani kuti:

1. ‘Chifukwa wuli wakukhumbikwira kupulika unenesko?’

2. ‘Kasi kusambira Baibolo kungasintha wuli umoyo wake sono kweniso munthazi?’

5. Muphalirani fundo izo zingamovwira. Mwaluŵiro, mulongorani umo kusambira Baibolo kungamovwilira kuti wasange mazgoro gha mafumbo ghose agho wangaŵa nagho kweniso umo lingamovwilira mu nthowa zakupambanapambana.