Kusambizga Munthowa Yipusu

Ivyo Yesu Wakachita

VIDIYO: Yesu Wakalongora Umo Adada Ŵithu Ŵakutipwelelelera

1. Wonelerani VIDIYO, panji ŵazgani Mateyu 6:​25-27. Kufuma apo zgorani mafumbo ghakulondezgapo agha:

1. Kasi Yesu wakalongora wuli kuti Yehova wakutipwelelera?

2. Nangauli Yesu wakamanyanga vinandi vya tuyuni, kasi wakayowoya fundo wuli yipusu yakukhwaskana na tuyuni? Chifukwa wuli iyi yikaŵa nthowa yiwemi yakusambizgira?

Kasi Tikusambirako Vichi kwa Yesu?

2. Para tikusambizga munthowa yipusu, ŵanthu ŵaluwenge yayi ivyo ŵasambira ndipo viŵafikenge pamtima.

Yezgani Yesu

3. Lekani kuyowoya vinandi. M’malo mwa kulongosora vyose ivyo mukumanya vyakukhwaskana na nkhani iyo, ŵikani mtima pa nkhani iyo mukusambira. Para mwafumba fumbo, lindilirani kuti msambiri wazgore. Para zgoro lamusuzga panji wayowoya fundo iyo yikukolerana yayi na Baibolo, mufumbani mafumbo ghanyake kuti waghanaghanirepo pa nkhani iyo mukudumbiskana. Para msambiri wapulikiska fundo yikuru, lutani pa fundo yinyake.

4. Gwiliskirani ntchito vinthu ivyo msambiri winu wakuvimanya kale kuti mumovwire kupulikiska fundo ziphya. Mwachiyelezgero, pambere mundambe kusambira nkhani ya chiwuka, weleranimo mwakudumura ivyo msambiri wali kusambira kale vyakukhwaskana na icho chikuchitika para munthu wafwa.

5. Mugwiliskirenge makora ntchito viyelezgero. Pambere mundayowoye chiyelezgero, jifumbani kuti:

1. ‘Kasi chiyelezgero ichi ntchipusu?’

2. ‘Kasi msambiri wane wachipulikiskenge?’

3. ‘Kasi msambiri wane wakumbukenge waka chiyelezgero panji chimovwirenge kukumbuka fundo yikuru?’