Chikanga

Ivyo Yesu Wakachita

VIDIYO: Yesu Wakupeleka Ulongozgi kwa Muwukirano Musambazi Uyo Wakaŵa Muwusi

1. Wonelerani VIDIYO, panji ŵazgani Mariko 10:​17-22. Kufuma apo zgorani mafumbo ghakulondezgapo agha:

1. Ni mikhaliro wuli yiwemi iyo Yesu wakwenera kuti wakayiwona mwa muwusi muwukirano uyu?

2. Chifukwa wuli Yesu wakakhumbikwiranga chitemwa kweniso chikanga pakupeleka ulongozgi kwa munthu uyu?

Kasi Tikusambirako Vichi kwa Yesu?

2. Apo tikovwira ŵasambiri ŵithu kuti ŵakure mwauzimu tikwenera kuyowoya nawo mwachitemwa kweni mwambura kubisa.

Yezgani Yesu

3. Wovwirani msambiri kuti wajiŵikire vilato na kuvifiska.

1. Pa sambiro lililose, gwiliskirani ntchito chigaŵa cha “Vyakuti Muchite” mu buku la “Mungakondwa na Umoyo Kwamuyirayira!

2. Wovwirani msambiri winu kuti wamanye ivyo wangachita kuti wafiske vilato vyake vyasonosono panji vyamunthazi.

3. Nyengo na nyengo muwongani msambiri winu para wakukura mwauzimu.

4. Manyani ivyo vikutondeska msambiri winu kukura mwauzimu ndipo movwirani kuti wamarane navyo.

1. Jifumbani kuti:

   • ‘Para msambiri wane wakukura yayi mwauzimu na kubatizika, kasi chikumutondeska ntchivichi?’

   • ‘Kasi ningamovwira wuli?’

2. Lombani chikanga kuti mudumbiskane nayo mwambura kubisa kweniso mwachitemwa ivyo wangachita kuti wakure mwauzimu.

5. Lekani dankha kusambira na msambiri uyo wakukura yayi mwauzimu.

1. Kuti mumanye usange msambiri winu wa Baibolo wakukura mwauzimu, jifumbani kuti:

   • ‘Kasi msambiri wane wakuchita ivyo wakusambira?’

   • ‘Kasi wakwiza ku maungano gha mpingo na kuphalirako ŵanji unenesko?’

   • ‘Usange mwasambira kwa nyengo yitali, kasi wakukhumba kuŵa yumoza wa Ŵakaboni ŵa Yehova?’

2. Para msambiri wakukhumba yayi kukura mwauzimu:

   • Mupemphani kuti waghanaghanirepo ivyo vikumutondeska.

   • Mulongosolerani mwalusungu chifukwa icho mukughanaghanira vya kuleka dankha kusambira nayo.

   • Muphalirani ivyo wakwenera kuchita kuti muzakambireso kusambira nayo.