MAFUMBO GHA BAIBOLO GHAZGOLEKA

Cifukwa wuli Yesu wakucemeka Mwana wa Ciuta?

Ciuta wakukhumbikwira kuti waŵe na mwanakazi yayi kuti wababe mwana. Iyo ni Mlengi wa camoyo cilicose. Ŵanthu ŵali kulengeka munthowa yakuti ŵangatolera mikhaliro ya Ciuta. Lekani munthu wakwamba uyo Ciuta wakalenga wakucemeka kuti “mwana wa Ciuta.” Mwakuyana waka Yesu nayo wakucemeka “Mwana wa Ciuta,” cifukwa wali kulengeka na mikhaliro yakuyana waka na ya Ŵawiske.—Ŵazgani Luka 3:38; Yohane 1:14, 49.

Kasi Yesu wakalengeka pawuli?

Yehova wakalenga Yesu pambere wandalenge Adamu. Ciuta wakamba kulenga Yesu ndipo kwizira mwa iyo wakalenga vinthu vinyake vyose kusazgapo ŵangelo. Lekani Baibolo likucema Yesu kuti “wakwamba kubabika wa cilengiwa cose.”—Ŵazgani Ŵakolose 1:15, 16.

Pambere wandababike ku Betelehemu, Yesu wakakhalanga kucanya nga nchilengiwa cauzimu. Apo nyengo yikakwana, Ciuta wakasamuska umoyo wa Yesu kucanya na kuwuŵika mu nthumbo ya Mariya mwakuti wababike nga munthu.—Ŵazgani Luka 1:30-32; Yohane 6:38; 8:23.

Cifukwa wuli Ciuta wakanozga vyakuti Yesu wababike pa caru nga munthu? Kasi Yesu wakafiska mulimo wuli wakuzirwa? Mazgoro gha mafumbo agha mungaghasanga mu Baibolo, ndipo ghamovwiraninge kuti mupulikiske na kuwonga ivyo Ciuta kweniso Yesu ŵali kumucitirani.