MAFUMBO GHAZGOLEKA
Kasi para munthu wafwa mbwenu kwamara?
Para munthu wafwa wakuŵa nga wagona tulo, ndipo wakumanya kalikose yayi. Nakuti palije ico wangacita. Kweni Mlengi wangatondeka yayi kuwuska ŵakufwa. Nakuti ivi vili kucitikapo kale. Ciuta wakamupa nkhongono Yesu ndipo wakawuska ŵanthu ŵanandi.—Ŵazgani Mupharazgi 9:5; Yohane 11:11, 43, 44.
Kasi nyifwa yikuyana wuli na tulo?
Ciuta wakulayizga kuti ŵanthu awo wakuŵakumbuka wazamuŵawuska kuti ŵakhale mu caru ciphya. Pasono, ŵanthu aŵa ŵakhalenge dankha mu malaro mpaka apo wazamuŵawuskira. Ciuta Wankhongonozose ngwakunweka kuwuska ŵakufwa.—Ŵazgani Job 14:14, 15.
Kasi vinthu vizamuŵa wuli pa ciwuka?
Para ŵakufwa ŵawuka, ŵazamumanyana na ŵabwezi kweniso ŵabali ŵawo. Munthu para wafwa thupi likuvunda, kweni Ciuta wazamuwuska munthu mweneyuyo na thupi liphya.—Ŵazgani 1 Ŵakorinte 15:35, 38.
Ŵanthu ŵacoko waka ndiwo ŵakuwuskika kuluta kucanya. (Uvumbuzi 20:6) Kweni ŵanandi ŵazamuwuskika na kuzakakhala mu paradiso pa caru capasi. Ŵanthu aŵa ŵazamwamba umoyo uphya, ndipo usange ŵazamupulikira, ŵazamukhala kwamuyirayira.—Ŵazgani Salmo 37:29; Milimo 24:15.