MAFUMBO AGHO BAIBOLO LIKUZGORA

Kasi vinthu vizamuŵa wuli munthazi?

Banja likulongora chitemwa kwa muchekuru kwambura sankho — Kasi Nyifwa ya Yesu Yikovwira wuli kuti Ŵanthu Ŵatemwanenge?

Vinthu vizamuŵa makora chomene chifukwa Chiuta wali kulayizga kuti watichitirenge viwemi munthazi. Sayansi yaluta panthazi. Ndipo ŵanthu ŵalutilirenge kupanga vinthu. Kweni kasi ŵangawovwira kuti ŵanthu ŵatemwanenge? Yayi. Mazuŵa ghano ŵanthu ŵakujighanaghanira ŵekha kweniso mbaryezi.—Ŵazgani 2 Petrosi 3:13.

Mazgu gha Chiuta ghakuti munthazi ŵanthu ŵazamutemwananga. Ndipo ŵazamukhala mwa bata na mtende.—Ŵazgani Mika 4:3, 4.

Kasi uryezi uzamumara wuli?

Uryezi uzamumara chifukwa Chiuta kwizira mwa Yesu wazamovwira ŵanthu kuti ŵaŵe ŵarunji. Chiuta wakalenga ŵanthu ŵaryezi yayi. Kweni chifukwa cha kuleka kupulikira, munthu wakwamba Adamu wakananga. Nase tili kutolerako kwananga, ndicho chifukwa tili ŵaryezi.—Ŵazgani Ŵaroma 7:21, 24, 25.

Mwakukolerana na khumbo la Chiuta, Yesu wakatifwira na kutiwombora kukwananga. (Ŵaroma 5:19) Yesu wazamutovwira kuti tizakaŵe ŵarunji.—Ŵazgani Masalmo 37:9-11.

Kuti mumanye vinandi wonani chipaturo 5 mu buku ili, lakupharazgika na Ŵakaboni ŵa Yehova

Likusangikaso pa www.jw.org/tum