LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • w15 10/1 p. 5
  • Chifukwa Wuli Chiuta Wakuti Tilombenge kwa Iyo?

Vidiyo palije.

Phepani, pali suzgo linyake.

  • Chifukwa Wuli Chiuta Wakuti Tilombenge kwa Iyo?
  • Gongwe la Mulinda Likupharazga Ufumu wa Yehova—2015
  • Mitu Yichoko
  • Nkhani Zakuyanako na Iyi
  • Chiuta wakukhumba kuti tiŵe ŵabwezi ŵake.
  • Chiuta wakukhumba kumovwirani.
  • Ŵanthu ŵali na njara yauzimu.
  • Kasi Chiuta Wakupulika Malurombo Ghinu?
    Gongwe la Mulinda Likupharazga Ufumu wa Yehova (Lakugaŵira)—2021
  • Mafumbo Agho Baibolo Likuzgora
    Gongwe la Mulinda Likupharazga Ufumu wa Yehova—2014
  • Ni Mwaŵi Kupemphera Kwa Chiuta
    Kasi Baibolo Likutisambizga Vichi?
  • Kusenderera kwa Ciuta mu Pempero
    Kasi Ncici Ico Ciuta Wakukhumba kwa Ise?
Wonani Vinyake
Gongwe la Mulinda Likupharazga Ufumu wa Yehova—2015
w15 10/1 p. 5

NKHANI YA PA CHIKOPI | KASI KULOMBA NKHWAKOVWIRA NADI?

Chifukwa Wuli Chiuta Wakuti Tilombenge kwa Iyo?

Chiuta wakukhumba kuti tiŵe ŵabwezi ŵake.

Para ŵanthu ŵali paubwezi ŵakuyowoyeskana pafupipafupi mwakuti ubwezi wawo ukonde. Chiuta nayo wakukhumba kuti tiyowoyenge nayo mwakuti tiŵe ŵabwezi ŵake. Iyo wakuti: ‘Muzamunichema, mwizenge na kulomba kwa ine, ndipo nizamumupulikani.’ (Yeremiya 29:12) Para mukuyowoya na Chiuta ‘mukusendelera kwa iyo, ndipo nayo wakusendelera kwa imwe.’ (Yakobe 4:8) Baibolo likutiphalira kuti: ‘Yehova wali pafupi na wose awo ŵakumuchema.’ (Salmo 145:18) Para tikulimbikira kulomba, ubwezi withu na Chiuta ukukonda.

‘Yehova wali pafupi na wose awo ŵakumuchema.’—Salmo 145:18

Chiuta wakukhumba kumovwirani.

Yesu wakati: ‘Ni munthu nju pakati pinu uyo usange mwana wake wakulomba chingwa, wamupenge libwe? Panji wangalomba somba, wamupenge njoka? Ntheura, usange imwe mukumanya kupeleka vyawanangwa viwemi ku ŵana ŵinu, ipo chomene kwakuluska Ŵawiskemwe awo ŵali kuchanya ŵapelekenge vinthu viwemi ku awo ŵakuŵalomba.’ (Mateyu 7:9-11) Nadi, Chiuta wakukhumba kuti mulombenge kwa iyo chifukwa chakuti “wakumupwelelerani” ndipo wakukhumba kumovwirani. (1 Petrosi 5:7) Wakukhumba kuti mumuphalirenge na masuzgo ghinu wuwo. Baibolo likutiphalira kuti: ‘Mungenjerwanga chara na kanthu kalikose, kweni mu vinthu vyose, mu lurombo na ŵeyelero pamoza na kuwonga, madando ghinu ghamanyikwe kwa Chiuta.’—Ŵafilipi 4:6.

Ŵanthu ŵali na njara yauzimu.

Ŵanthu ŵanyake awo ŵakusambira umo munthu waliri ŵakuti pali ŵanthu mamiliyoni ghanandi awo ŵali na khumbo la kulomba. Ŵamoza ŵawo ni awo ŵakuti Chiuta kulije na awo ŵakukayika kuti waliko.a Ivi vikukolerana na fundo yakuti ŵanthu ŵali kulengeka na khumbo la kusopa Chiuta. Yesu wakati: ‘Mbakukondwa awo ŵakumanya kusoŵerwa kwawo kwauzimu.’ (Mateyu 5:3) Njara iyi yingamara para munthu wakuyowoya na Chiuta nyengo zose.

Kasi tisangenge phindu wuli usange tazomera pempho la Chiuta lakuti tilombenge kwa iyo?

a Lipoti linyake likavumbura kuti ku United States, ŵanthu 11 pa ŵanthu 100 awo ŵakugomezga kuti Chiuta kulije panji awo ŵakukayika kuti waliko, ŵakulomba kamoza pa mwezi.

Kasi Tingayowoya Vichi Pakulomba?

Baibolo likulongora kuti pali vinandi ivyo tingayowoya mu lurombo. Pakulomba tingayowoya vinthu ivi:

  • Kuzomera kwananga ‘Kwananga kwane nkhazomera panthazi pinu, ubendezi wane kuti nkhabisa chara.’—Salmo 32:5.

  • Kuwonga ‘Nkhuwemi kumuwonga Yehova.’—Salmo 92:1.

  • Kulumba ‘Nilumbenge Yehova nyengo zose; ntchindi zake ziŵenge mu mulomo wane lutaluta.’—Salmo 34:1.

  • Kupempha Mahara ‘Munendeske mu nthowa ya malango ghinu pakuti mwenemumo ndimo nkhukondwera.’—Salmo 119:35.

  • Kupempha Nkhongono ‘Ng’anamukirani kwa ine, munilengere lusungu; mumupe muteŵeti winu nkhongono zinu.’—Salmo 86:16.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani