LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • w15 10/1 p. 15
  • Gowokerani na Mtima Wose

Vidiyo palije.

Phepani, pali suzgo linyake.

  • Gowokerani na Mtima Wose
  • Gongwe la Mulinda Likupharazga Ufumu wa Yehova—2015
  • Nkhani Zakuyanako na Iyi
  • Gowokeranani na Mtima Wose
    Gongwe la Mulinda Likupharazga Ufumu wa Yehova—2012
  • Kasi Kugowoka Ni Vichi?
    Mafumbo Agho Baibolo Likuzgora
  • Yehova Ngwakugowokera Chomene
    Gongwe la Mulinda Likupharazga Ufumu wa Yehova (Lakusambira)—2022
  • ‘Yehova Wakagowokera Imwe na Mtima Wose’
    Gongwe la Mulinda Likupharazga Ufumu wa Yehova—2013
Wonani Vinyake
Gongwe la Mulinda Likupharazga Ufumu wa Yehova—2015
w15 10/1 p. 15

VINJERU VYAKALE IVYO VIKOVWIRA MAZUŴA GHANO

Gowokerani na Mtima Wose

FUNDO YA MU BAIBOLO: ‘Lutilirani kugowokerana na mtima wose usange munthu wali na chifukwa chakudandawulira munyake. Nga ni umo Yehova wakagowokelera imwe na mtima wose, ndimo namweso muchitirenge.’—Ŵakolose 3:13.

Mwanakazi wakukana kuyowoya na munyake ndipo wakufumapo

Kasi fundo njakuti wuli? Baibolo likuti kwananga kuli nga ni ngongoli, ndipo kugowokera kuli nga nkhusisita ngongoli. (Luka 11:4) Buku linyake likuti lizgu Lachigiriki ilo lili kung’anamulika kuti “kugowokera” likung’anamura “kumulekera waka munthu ngongoli, kwambura kumulozga.” Ntheura para tagowokera munthu uyo watibudira ndikuti tasankha kumuleka waka. Para tagowokera munthu chikung’anamura kuti tikuzomerezga viheni ivyo wachita yayi. Kweni tikuleka waka kumusungira vyakusingo, nangauli tingaŵa na chifukwa chanadi ‘chakudandawulira.’

Kasi fundo iyi njakovwira lero? Ndise ŵanthu, ndipo tose tikunanga. (Ŵaroma 3:23) Ntheura tikwenera kugowokera ŵanyithu, chifukwa nyengo yinyake nase tizamukhumba kuti ŵanyithu ŵatigowokere. Nakuti para tagowoka, ndise tikusanga uwemi. Uwemi wuli?

Ŵanakazi ŵavumbatirana

Para tikusunga ukali panji vyakusingo, tikujipweteka tekha. Ivi vingatitondeska kuŵa ŵakukondwa, tingaŵa ŵakukakika, ndipo tingasuzgika chomene. Kweniso vingatilwariska chomene. Dr. Yoichi Chida na Professor Andrew Steptoe, ŵakati: ‘Ukaboni ukulongora kuti para munthu wakusunga ukali panji vyakusingo wakukaŵa yayi kulwara nthenda ya mtima.’—Lipoti ili likaŵa mu Journal of the American College of Cardiology.

Kweni wonani uwemi wa kugowokera. Para tikugowokera ŵanyithu na mtima wose, pakuŵa umoza na mtende, ntheura tikulutilira kuŵa na ŵabwezi. Chakuzirwa chomene ntchakuti para tikugowoka tikuyezga Chiuta uyo wakugowokera ŵakwananga awo ŵasintha. Chiuta wakukhumba kuti nase tigowokenge.—Mariko 11:25; Ŵaefeso 4:32; 5:1.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani