Mazgu Ghakwamba

KASI MUKUTI WULI?

Mu buku la Chivumbuzi muli mboniwoni ya ŵanalume ŵanayi awo ŵakwera pa mahachi. Ŵanyake ŵakuchita wofi na mboniwoni iyi apo ŵanji ŵakunweka nayo. Wonani iyo Baibolo likuyowoya:

“Ngwakukondwa uyo wakuŵazga mwakukwezga na awo ŵakupulika mazgu ghauchimi uwu.”—Chivumbuzi 1:3.

Magazini iyi yikulongosora kuti ŵanalume ŵanayi awo ŵakwera pa mahachi ni nkhani yiwemi kwa ise.