Kasi Mukukumbuka?

Kasi mungazgora mafumbo agha agho ghafuma mu magazini gha Gongwe la Mulinda gha 2019?

Kasi layizgo la Chiuta lakuti: “Palije chilwero icho chapangikira iwe icho chitondenge” likung’anamurachi? (Yes. 54:17)

Tikugomezga kuti Chiuta wazamutivikilira ku vinthu ivyo vili nga ‘nkhupoma kwa ŵankhaza.’ (Yes. 25:4, 5) Ŵalwani ŵithu ŵaluskenge yayi. Vyose ivyo ŵangachita ni vyakanyengo waka.—w19.01, pp. 6-7.

Kasi umo Chiuta wakachitira vinthu na Ŵakenani kweniso Ŵaisrayeli vikulongora wuli urunji wake?

Chiuta wakeruzga ŵanthu awo ŵakachitanga uzaghali kweniso awo ŵakachitiranga nkhaza ŵanakazi na ŵana. Kweni wakatumbika ŵanthu awo ŵakaŵa ŵakupulikira kweniso awo ŵakachitiranga ŵanji vinthu mwaurunji.—w19.02, pp. 22-23.

Kasi tikwenera kuchita wuli para uyo wakulomba ngwambura kugomezga?

Tingakhala waka chete na kuchita vinthu mwantchindi, kweni tileke kuyowoya kuti “ameni” panji kukorana mawoko na ŵanji awo ŵalipo pa lurombo ulu. Tingalomba lurombo lwithu lwamumtima.—w19.03, p. 31.

Chifukwa wuli ntchiheni chomene kuchitira mwana vyamuziro?

Kuchitira mwana vyamuziro nkhwanangira mwana, mpingo, boma, na Chiuta. Ku vyaru ivyo kuli dango lakuti munthu uyo wachitira nkhaza mwana waphalike ku boma, ŵalara ŵakulondezga dango ili.—w19.05, pp. 9-10.

Kasi mungachita wuli kuti musinthe kaghanaghaniro kinu?

Fundo izo zingamovwirani ni izi: Lombani Yehova. Ghanaghaniranipo pa ivyo mukuŵazga na kujisanda. Sankhani mwamahara ŵabwezi.—w19.06, p. 11.

Kasi tingachita wuli kuti tinozgekere nthambuzgo?

Tikwenera kukhozga ubwezi withu na Yehova. Kweniso tigomezge kuti wakutitemwa ndipo watitayenge yayi. Tiŵazgenge Baibolo zuŵa lililose, na kulomba nyengo zose. Tigomezge kuti ivyo Ufumu wa Chiuta walayizga vizamufiskika. Tisunge pamtima malemba agho tikughatemwa na sumu izo zikulumba Yehova.—w19.07, pp. 2-4.

Kasi tingachita wuli kuti tovwire ŵabali ŵithu kuti ŵazakaponoskeke?

Ntchakuzirwa chomene kuŵapulikiska, kuŵalongora nkharo yiwemi, kuzikira nawo kweniso kuŵa ŵambura kusunkhunyika.—w19.08, pp. 15-17.

Kasi tikupumuzgika wuli nga umo Yesu wakalayizgira pa Mateyu 11:28?

Tili na ŵalaŵiliri ŵachitemwa, ŵabwezi ŵawemi chomene, kweniso ntchito yiwemi chomene.—w19.09, p. 23.

Kasi Chiuta wangatipa wuli khumbo na nkhongono kuti tichite ivyo iyo wakukhumba? (Fil. 2:13)

Para tikuŵazga Mazgu gha Chiuta na kughanaghanirapo, Chiuta wangatipa nkhongono kweniso khumbo kuti tichite khumbo lake.—w19.10, p. 21.

Kasi tikwenera kuchita vichi pambere tindasankhe chakuchita?

Pali vinthu vinkhondi ivi: Fufuzani mwakukwana. Lombani vinjeru. Sandani vifukwa ivyo mwasankhira kuchita chinthu icho. Muŵe na vilato. Muŵe ŵanenesko.—w19.11, pp. 27-29.

Kasi chisambizgo chakuti mzimu ukufwa yayi chikamba apo Satana wakaphalira Eva kuti wafwenge yayi?

Yayi. Satana wakaphalira Eva kuti wafwenge yayi, kweni wakamuphalirapo yayi kuti wazamufwa waka chithupi pera. Visambizgo vyose vyautesi vikamara pa nyengo ya Chigumula. Vikulongora kuti chisambizgo chakuti mzimu ukufwa yayi chikamba pambere Chiuta wandambininiske ŵanthu awo ŵakazenganga chigongwe cha Babeli.—w19.12, p. 15.