“Ufumu Winu Wize”—Ŵanthu Ŵanandi Ŵakulomba Lurombo Ulu
Kasi muli kulombapo kuti, Ufumu wa Chiuta wize? Ŵanthu mamiliyoni ghanandi ŵali kulombapo lurombo ulu kwa vyaka vinandi. Chifukwa wuli ŵakulomba nthena? Ŵakulomba nthena chifukwa Yesu wakaphalira ŵalondezgi ŵake kuti ŵalombenge kuti Ufumu wa Chiuta wize.
Pakwamba ŵapositole ŵa Yesu ŵakapulikiskanga vyose yayi pa nkhani ya Ufumu. Nyengo yinyake ŵakafumba Yesu kuti: “Fumu, kasi mukuwezgera ufumu kwa Israyeli pa nyengo iyi?” Ŵakwenera kuti ŵakazizwa na ivyo Yesu wakazgora. (Milimo 1:6, 7) Kasi ichi chikung’anamura kuti tingawumanya makora yayi Ufumu wa Chiuta na apo wizirenge? Yayi.
Magazini iyi ya Gongwe la Mulinda yimovwiraninge kusanga mazgoro gha mafumbo ghakulondezgapo agha:
Chifukwa wuli tikukhumbikwira Ufumu wa Chiuta?
Kasi Fumu ya Ufumu wa Chiuta ni njani?
Kasi Ufumu wa Chiuta wambenge pawuli kulamulira pa charu chapasi?
Kasi Ufumu wa Chiuta uzamufiska vichi?
Chifukwa wuli tikwenera kusankha kuŵa ku chigaŵa cha Ufumu wa Chiuta sono?
Kasi Ufumu wa Chiuta ni vichi?