Ivyo Mungayowoya Pakugaŵira Magazini

Gongwe la Mulinda Epulero-Juni

“Apo Yesu wakaŵa pa caru capasi, wakasambizga ŵategherezgi ŵake kuti ŵalombenge kuti ufumu wa Ciuta wize. Kasi mukughanaghana kuti Ufumu wa Ciuta ni vici ndipo uzamucitaci para wiza? [Mulekani wazgore.] Wonani ivyo Ufumu wa Ciuta uzamucitira ŵanthu. [Ŵazgani Uvumbuzi 21:3, 4.] Nkhani iyi yikulongosora ng’anamuro la Ufumu wa Ciuta ndiposo ivyo uzamucitira ŵanthu.” Mulongorani nkhani iyo yikwambira pa peji 8.

Galamukani! Epulero

Ŵazgani Salmo 37:9-11. Ndipo fumbani kuti: “Kasi mukughanaghana kuti caru cizamuŵa wuli para ivi vyazakafiskika? [Mulekani wazgore.] Nkhani iyi yikuyowoya za ucimi wakukhozga uwu, ndipo yikulongosora cifukwa ico viheni vyazalira mu caru mazuŵa ghano.” Mulongorani nkhani iyo yikwambira pa peji 20.

Gongwe la Mulinda Epulero-Juni

“Mabuku ghanyake ghakuyowoya kuti Yesu wakafwa yayi nga umo Baibolo likuyowoyera kweni wakatora na kubaba ŵana. Kasi muli kupulikapo ivi? [Mulekani wazgore.] Nchakuzirwa kumanya unenesko. [Ŵazgani Yohane 17:3.] Nkhani iyi yikuyowoya vifukwa ivyo tingagomezgera kuti ivyo Baibolo likuyowoya vyakukhwaskana na Yesu ni vyaunenesko. Mulongorani nkhani iyo yikwambira pa peji 26.

Galamukani! Meyi

“Ŵanthu ŵanandi ŵakukhumba kuleka hona kweni vikuŵasuzga. Kasi mukumanyapo munthu uyo wakukhumba kuleka hona? [Mulekani wazgore.] Ŵanyake ŵawona kuti nchakovwira comene kupempha ŵabali na ŵabwezi ŵawo kuti ŵaŵawovwire. [Ŵazgani Mupharazgi 4:12a.] Mu magazini iyi muli masacizgo ghawemi agho ghangawovwira munthu kuti waleke hona.”