Ivyo Tingayowoya Pakugaŵira Magazini

Gongwe la Mulinda Julayi—Seputembala

“Visopa vikusambizga vinthu vyakupambana pa nkhani ya phere. Kasi mukughanaghana kuti Ciuta wakumuwona wuli munthu uyo wakumwa phere? [Mulekani wazgore.] Nangauli Baibolo likuyowoya kuti nyengo yinyake Yesu wakazgora maji kuŵa vinyo, kweni likuyowoyaso fundo yinyake. [Ŵazgani Zintharika 23:20a.] Magazini iyi yikulongora ivyo Baibolo likuyowoya pa nkhani ya phere.”

Galamukani! Julayi

“Kasi ŵanakazi ŵakwenera kuŵa ŵaliska? [Mulekani wazgore.] Wonani ivyo Baibolo likuyowoya pakukhwaskana na mwanakazi munyake. [Ŵazgani Ŵaroma 16:1.] Kweni vesi linyake likuyowoyaso kuti ŵanakazi ŵakwenera kukhala cete mu mpingo. Ipo pera Baibolo likusambizgaci pa nkhani iyi? Nkhani iyi yikuzgora fumbo ili.” Mulongorani nkhani iyo yikwambira pa peji 28.

Gongwe la Mulinda Julayi—Seputembala

Ŵazgani Exodus 20:15. Pamanyuma yowoyani kuti: “Nangauli ŵanthu ŵanandi ŵakulondezga dango ili kweni ŵanji ŵakughanaghana kuti kwiba na kuleka kugomezgeka nkhuwemi waka para vinthu vyasuzga comene. Imwe mukughanaghana wuli? [Mulekani wazgore.] Nkhani iyi yikulongosora vyandulo ivyo munthu wakusanga para wakugomezgeka nyengo zose.” Mulongorani nkhani iyo yikwambira pa peji 11.

Galamukani! Ogasiti

“Nkhugomezga kuti muli kudumbiskanapo na Ŵakaboni ŵa Yehova. Kasi muli kujifumbapo kuti nchifukwa wuli tikwenda nyumba na nyumba uku ŵanthu ŵanandi ŵakutikhumba yayi? [Mulekani wazgore. Pamanyuma ŵazgani Mateyu 24:14.] Tikuwona kuti ŵanthu ŵanandi ŵakugomezga mautesi agho ghakuyowoyeka pakukhwaskana na ise. Magazini iyi yikuŵalongosora makora Ŵakaboni ŵa Yehova.”