Ivyo Mungayowoya Pakugaŵira Magazini

Gongwe la Mulinda Julayi-Seputembala

“Visopa vikusambizga vinthu vyakupambana pa nkhani ya phere. Kasi mukughanaghana kuti Ciuta wakumuwona wuli munthu uyo wakumwa phere? [Mulekani wazgore.] Nangauli Baibolo likuyowoya kuti nyengo yinyake Yesu wakazgora maji kuŵa vinyo, kweni likuyowoyaso fundo yinyake. [Ŵazgani Zintharika 23:20a.] Magazini iyi yikulongora ivyo Baibolo likuyowoya pa nkhani ya phere.”

Galamukani! Seputembala

Ŵazgani Mateyu 5:39. Ndipo yowoyani kuti: “Kasi mukughanaghana kuti Yesu wakang’anamuranga kuti tikwenera kukhala waka cete para ŵanyithu ŵakuticitira viheni? [Mulekani wazgore.] Nkhani iyi yikulongosora ivyo Baibolo likuyowoya pa nkhani ya kujivikilira ndiposo kupempha civikiliro.” Mulongorani nkhani iyo yikwambira pa peji 10.

Gongwe la Mulinda Julayi-Seputembala

Ŵazgani Exodus 20:15. Pamanyuma yowoyani kuti: “Nangauli ŵanthu ŵanandi ŵakulondezga dango ili kweni ŵanji ŵakughanaghana kuti kwiba na kuleka kugomezgeka nkhuwemi waka para vinthu vyasuzga comene. Imwe mukughanaghana wuli? [Mulekani wazgore.] Nkhani iyi yikulongosora vyandulo ivyo munthu wakusanga para wakugomezgeka nyengo zose.” Mulongorani nkhani iyo yikwambira pa peji 11.

Galamukani! Okutobala

“Kanandi tikupulika kuti ŵakutorana, ŵandyali, ndiposo ŵanthu ŵanyake ŵakugomezgeka yayi. Kasi mukughanaghana kuti mazuŵa ghano nchakusuzga comene kusanga ŵanthu awo mbakugomezgeka? [Mulekani wazgore.] Ŵanandi ŵakuwona kuti lemba ili likufiskika. [Ŵazgani 2 Timote 3:1-5.] Magazini iyi yikulongosora uko tingasanga ŵanthu ŵakugomezgeka.”