Ivyo Mungayowoya Pakugaŵira Magazini

Gongwe la Mulinda Epulero-Juni

“Ŵanthu ŵanandi ŵakugomezga kuti Yesu ni Ciuta wankhongonozose ndipo wali na mazaza ghakucitira cilicose ico wakukhumba. Imwe mukughanaghana wuli? [Mulekani wazgore.] Wonani ivyo Yesu wakazgora apo ŵapositole ŵake ŵaŵiri ŵakakhumbanga malo ghapacanya. [Ŵazgani Mateyu 20:23b.] Nkhani iyi yikuyowoya vigomezgo vyautesi na vyaunenesko pakuyowoya za Yesu.” Mulongorani nkhani iyo yikwambira pa peji 12.

Galamukani! Meyi

“Kasi mukughanaghana kuti cuma cambenge kwenda makora sonosono? [Mulekani wazgore.] Ŵanandi ŵakumanya yayi umo Baibolo lingatovwilira mu nyengo yakusuzga iyi. [Ŵazgani lemba limoza mu nkhani iyi.] Nkhani iyi yikulongosora umo Baibolo lingatovwilira kuti tizizipizge para ndalama zikusoŵa.” Mulongorani nkhani iyo yikwambira pa peji 18.

Gongwe la Mulinda Epulero-Juni

“Taŵanandi tikumanya kuti Yesu wakiza pa caru capasi kuzakapeleka umoyo wake kuti watiwombore. Kweni kasi mukughanaghana kuti tingacita wuli kuti tisange candulo na sembe iyi? [Mulekani wazgore.] Baibolo likuyowoya ivyo tingacita. [Ŵazgani Yohane 3:16.] Kasi kuŵa na cipulikano mwa Yesu cikung’anamuraci? Nkhani iyi yikuzgora.” Mulongorani nkhani iyo yili pa peji 11.

Galamukani! Juni

“Vikuwoneka kuti vinthu pa umoyo vikuhenipirahenipira ndipo ŵanandi ŵakusuzgika maghanoghano. Ni nthena yayi? [Mulekani wazgore.] Ŵanandi ŵakuwona kuti mazgu agho ghali pa lemba ili ghakulongosora cifukwa cimoza ico ŵanthu ŵanandi ŵakusuzgikira maghanoghano. [Ŵazgani 2 Timote 3:1.] Magazini iyi yikulongosora umo suzgo la maghanoghano likutikhwaskira. Yikuyowoyaso ivyo tingacita kuti timazge suzgo la maghanoghano.”