Ivyo Mungayowoya Pakugaŵira Magazini

Gongwe la Mulinda Epulero—Juni

“Ŵanthu ŵanandi ŵakugomezga kuti Yesu ni Ciuta wankhongonozose ndipo wali na mazaza ghakucitira cilicose ico wakukhumba. Imwe mukughanaghana wuli? [Mulekani wazgore.] Wonani ivyo Yesu wakazgora apo ŵapositole ŵake ŵaŵiri ŵakakhumbanga malo ghapacanya. [Ŵazgani Mateyu 20:23b.] Nkhani iyi yikuyowoya vigomezgo vyautesi na vyaunenesko pakuyowoya za Yesu.” Mulongorani nkhani iyo yikwambira pa peji 12.

Galamukani! Juni

“Machalichi ghanyake ghakulipiliska para ghapharazgenge pa nyifwa, kubapatiza munthu ndiposo kukwatiska. Kasi mukughanaghana kuti nchiwemi kucita nthena? [Mulekani wazgore.] Wonani ulongozgi uwo Yesu wakapeleka ku ŵasambiri ŵake. [Ŵazgani Mateyu 10:7, 8b.] Nkhani iyi yikulongora ivyo Baibolo likuyowoya pa nkhani iyi.” Mulongorani nkhani iyo yikwambira pa peji 22.

Gongwe la Mulinda Julayi—Seputembala

“Visopa vikusambizga vinthu vyakupambana pa nkhani ya phere. Kasi mukughanaghana kuti Ciuta wakumuwona wuli munthu uyo wakumwa phere? [Mulekani wazgore.] Nangauli Baibolo likuyowoya kuti nyengo yinyake Yesu wakazgora maji kuŵa vinyo, kweni likuyowoyaso fundo yinyake. [Ŵazgani Zintharika 23:20a.] Magazini iyi yikulongora ivyo Baibolo likuyowoya pa nkhani ya phere.”

Galamukani! Julayi

“Ŵanthu ŵanandi ŵakwenjerwa comene cifukwa ca suzgo la ndalama ilo lili pa caru cose. Awo ŵafumiskika nchito ŵakufipa mtima, ndipo awo ŵali pa nchito nawo ŵakwenjerwa kuti nchito yingamara nyengo yiliyose. Kasi mukughanaghana kuti ulongozgi uwu ungatovwira kuzizipizga? [Ŵazgani Mateyu 6:34. Mulekani wazgore.] Magazini iyi yikulongosora fundo izo zingatovwira kuti tigwiliskirenge nchito makora ndalama ndiposo kuti tileke kwenjerwa comene.”