Ivyo Mungayowoya Pakugaŵira Magazini

Gongwe la Mulinda Okutobala—Disembala

“Nyengo zinyake ŵanthu ŵakucita vinthu viheni cifukwa ca kupusikika kuti ŵali na mwamphu pa kusopa Ciuta. Kasi mukughanaghana kuti nchivici cikuŵapangiska kuti ŵapusikikenge nthena? [Mulekani wazgore.] Wonani ivyo Baibolo likuticiska. [Ŵazgani 1 Yohane 4:1.] Nkhani iyi yikulongosora cifukwa ico kuliri kwakuzirwa kuyaniska ivyo tikugomezga na ivyo Baibolo likuyowoya.” Mulongorani nkhani iyo yikwambira pa peji 29.

Galamukani! Novembala

Ŵazgani 2 Timote 3:16. Pamanyuma yowoyani kuti: “Kasi mukukolerana nagho mazgu agha ndipo mukuwona kuti tikwenera kugomezga vinthu vyose ivyo Baibolo likuyowoya? [Mulekani wazgore.] Magazini iyi yikulongosora usange vinthu vyakufukura pasi ndiposo mdauko vikukolerana na ivyo Baibolo likuyowoya vyakukhwaskana na Egypt wakale.” Mulongorani nkhani iyo yikwambira pa peji 15.

Gongwe la Mulinda Okutobala—Disembala

“Zunurani nkhani ya sonosono iyo yikufipiska ŵanthu mtima mu cigaŵa cinu. Pamanyuma yowoyani kuti: “Kasi muli kuzizwapo cifukwa ico ŵanthu ŵakucitira vinthu viheni ivi? [Mulekani wazgore.] Baibolo likutiphalira cifukwa ico tingalindizgira kuti vinthu ivi vizamumara. [Ŵazgani 2 Petrosi 3:13.] Likuyowoyaso ivyo vikupangiska vinthu viheni ndiposo umo Ciuta wazamuvimazgira. Ndivyo magazini iyi yikulongosora.”

Galamukani! Disembala

“Kasi muli kujifumbapo kuti nchifukwa wuli Khisimasi yikucitika pa Disembala 25 uku Baibolo likuyowoya yayi zuŵa ilo Yesu wakababikira? [Mulekani wazgore.] Mwakuyana na vesi ili, Yesu kuti wakababika nyengo yakuzizima yayi. [Ŵazgani Luka 2:8.] Magazini iyi yikuvumbura umo Khisimasi yikambira.”