Ivyo Mungayowoya Pakugaŵira Magazini

Gongwe la Mulinda Julayi—Seputembala

“Ŵanthu ŵanandi ŵakugomezga kuti ŵakufwa ŵangawovwira ŵamoyo? Kasi ndivyo namwe mukugomezga? [Mulekani wazgore. Ŵazgani Mupharazgi 9:5, 10.] Nkhani iyi yikulongosora ivyo Baibolo likuyowoya.” Mulongorani nkhani iyo yikwambira pa peji 21.

Galamukani! Ogasiti

“Mafilimu ghanandi mazuŵa ghano ghakulongora vinthu vya viŵanda, mayere, ndiposo ufwiti. Kasi mukughanaghana kuti viŵanda viliko nadi? [Mulekani wazgore. Ŵazgani 1 Ŵakorinte 10:20.] Nkhani iyi yikulongosora ivyo Baibolo likuyowoya vyakukhwaskana na viŵanda ndiposo umo tingajivikililira.” Mulongorani nkhani iyo yikwambira pa peji 20.

Gongwe la Mulinda Julayi—Seputembala

“Nchakawiro munthu kuŵa na citima ndiposo phukwa para mfumu panji muwoli wake wafwa. Kasi mukughanaghana kuti wangapembuzgika wuli? [Mulekani wazgore. Pamanyuma ŵazgani 2 Ŵakorinte 1:3.] Nkhani iyi yikulongosora umo munthu wangacepeskerako citima na phukwa.” Mulongorani nkhani iyo yikwambira pa peji 29.

Galamukani! Seputembala

“Kasi mukughanaghana kuti maselufoni, uthenga wa pa kompyuta, kutumizgirana mauthenga pa intaneti na nthowa zinyake zasono za kuyowoyeskerana na ŵanthu zacepeska phukwa panji zapangiska ŵanthu kuŵa na phukwa? [Mulekani wazgore.] Pano pali sacizgo linyake ilo lingatovwira kuzizipizga para tili na phukwa. [Ŵazgani Milimo 20:35.] Magazini iyi yili na masacizgo ghanyake ghakovwira ghakufuma mu Baibolo.”